ತುಡರ್ ದ ಬೊಲ್ಪುಡು ಬತ್ತ್ಂಡ್ ಪರ್ಬ...
ದಡ ಬಡ ಪಟಾಕಿದ ತುಡರ್ ಪರ್ಬ...
ಗೊಂಡೆ ಪೂತ ಸಿಂಗಾರ ಬೆಂದ್ ರ್ದ ಮಂಡೆಗ್
ಪುಲ್ಯ ಕಾಂಡೆ ಎಣ್ಣೆ ಪೂಜಿದ್ ಮೀಪಿನ ಪರ್ಬ....
ಉರ್ದು ದೋಸೆದೊಟ್ಟಿಗೆ ಚೀಪಿದ ಬಜಿಲ್ ತಿನ್ನೊಂದು
ಪಟಾಕಿಗ್ ತೂ ಕೊರ್ದು ನಲಿಪುನ ಪರ್ಬ...
ಭರವಸೆದ ತುಡರ್ ನ್ ಅರ್ಲಾದ್
ಉಡಲ್ ದ ಕುರೆನ್ ದೆಕ್ಕುನ ಪರ್ಬ ....
ಅಜ್ಜೆರ್ ಪಿಜ್ಜೆರ್ ಜೋಕುಲು ಬಾಲೆಲು
ಒಟ್ಟಿಗೆ ಸೇರ್ದ್ ಮಲ್ಪುನ ಗೌಜಿದ ಪರ್ಬ...
ಗೂಡುದೀಪೋಡು ಮಿಣ್ಕುನ ಇಲ್ಲಡ್
ಬಿತ್ತ್ ಲ್ ನಿಲ್ಕೆ ದೀಪ ಅಲಾವುನ ಪರ್ಬ ...
ಚೀಪಿದ ತೆನಸ್ ಪಟ್ಟೊಂದು ಜನಮಾನಿ
ಗೋ ಅಪ್ಪೆನ್ ಪೂಜೆ ಮಲ್ಪುನ ಪರ್ಬ...
ತುಡರ್ ದ ಬೊಲ್ಪುಡು ಬತ್ತ್ಂಡ್ ಪರ್ಬ...
ದಡ ಬಡ ಪಟಾಕಿದ ತುಡರ್ ಪರ್ಬ...
ರಚನೆ: ಶಶಿಕುಮಾರ್ ವಿ. ಕುಲಾಲ್
ಮಾತೆರೆಗ್ ಲಾ ತುಡರ್ ಪರ್ಬದ ಎಡ್ಡೆಪ್ಪುಲು.....
