ನನ್ನ ಮನವು ಕೂಗಿದೆ

ನನ್ನ ಮನವು ಕೂಗಿದೆ
ನಿನ್ನಯ ಹೆಸರನು
ಕೇಳಲಾರೆಯಾ ಸಖಿ
ನನ್ನ ಪ್ರಾಣ ಸಖಿ

ನಿನ್ನೆಸರ ದ್ವನಿಯಲಿ ಏನಿದು ಇಂಚರ
ಪ್ರತಿದ್ವನಿಸಿದೆ ಕಿವಿಯಲಿ ಯಾಕೀತರ
ಉಸಿರುಸಿರಲಿ ಬೆರೆತ ನೀನೇ ಮಧುರ
ಸೇರಲು ನಿನ್ನನ್ನು ಯಾಕಿಂತ ಕಾತರ

ಬೆಳ್ಳಿ ಮೋಡದಿಂದ ಇಳಿದು ಬಂದವಳೆ
ದೇವಲೋಕದ ಅಪ್ಸರೆಯಂತವಳೆ
ಕನಸಿನ ರಾಣಿ ನೀನು ನನ್ನವಳೆ

ಅರ್ಧಾ ಂಗಿಯಾಗಿ ನನ್ನ ಬಾಳು ಬೆಳಗುವವಳೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಪ್ರೀತಿಯ ದೇವತೆ

ನನ್ನವಳು ನನ್ನವಳು ಪ್ರೀತಿಯ ದೇವತೆ ಅವಳು
ಹಗಲಿರುಳು ಕಾಡುವಳು ಕನಸಲ್ಲಿ ಬಂದು ಅವಳು
ಹೇಗೆ ಹೊಗಳಲಿ ಅವಳ ಅಂದವ ಅರಿಯೆನೆ
ಪದಗಳೇ ಸಾಲದೆ ಹೋಯಿತು ಏಕೆ ತಿಳಿಯೆನೆ

ನಿಂತಾಗ ನನ್ನೆದುರು
ಜಗವನ್ನು ನಾ ಮರೆತೆನೆ
ನಡೆಯುತಿರೆ ನೆನೆ ನೆನೆದು
ಕ್ರಮಿಸಿದ ದೂರವ ತಿಳಿಯದಾದೆನೆ

ಏನಾಗಿದೆ ಇಂದೆನಗೆ
ಮನಸ್ಯಾಕೆ ಮಂಕಾಗಿ ಹೋಯಿತೆ
ಯಾಕಾಗಿದೆ ಹೀಗೆನಗೆ
ಎದೆಬಡಿತ ಜೋರಾಗಿ ಹೋಯಿತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಎಷ್ಟೊಂದು ಮಧುರ

ಎಷ್ಟೊಂದು ಮಧುರ ಈ ಪ್ರೀತಿಯ ಭಾವನೆಗಳು
ಕನಸುಗಳು ನನಸಾಗುವ ಆ ಸುಂದರ ಕ್ಷಣಗಳು
ನಯನಗಳಲಿ ಕಾತರತೆ ನಿನ್ನ ಕಾಣಲು
ನುಡಿಯಲ್ಲಿ ಹರಿದಿದೆ ಪ್ರೀತಿಯ ರಸಧಾರೆಗಳು

ಬದುಕು ಕಟ್ಟಲು ಸೇರುತಿದೆ ಎರಡು ಜೀವಗಳು
ಸಂಗೀತ ಲಹರಿಯಲಿ ಹಾರುತಿಹ ಜೋಡಿ ಹಕ್ಕಿಗಳು
ಮನಸ್ಸನ್ನು ಸೆಳೆವಂತ ನಿನ್ನ ಸುಂದರ ಕಣ್ಣುಗಳು
ಕೇಶವನ್ನು ನೇವರಿಸಲು ಮೂಡಿದೆ ಆತ್ಮೀಯ ಭಾವನೆಗಳು

ಒಂಟಿ ಜೀವಕೆ ನೀನಿತ್ತ ಆಸೆಯ ಚಿಗುರುಗಳು
ಬಾಳದಾರಿಯಲಿ ಪುಟಿದೆದ್ದ ಸುಂದರ ಬಯಕೆಗಳು
ಬಾ ಒಲವೆ ಬೇಗ ಇನ್ನೇಕೆ ನಿಂತಿರುವೆ
ಹೃದಯದಾ ಅರಮನೆಯ ಕದತೆರೆದು ಕಾದಿರುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಇರಲಾರೆ ನಾನು

ಇರಲಾರೆ ನಾನು ನಿನ್ನಿಂದ ದೂರ
ಮನದಲ್ಲಿ ಮೂಡಿದೆ ನೆನಪುಗಳ ಸಮರ
ಕ್ಷಣ ಕ್ಷಣವು ಕಂಡಿದೆ ನನಗೆ ವರುಷಗಳಂತೆ
ಬಯಕೆಗಳು ಮೂಡಿದೆ ಸಾಗರದ ಅಲೆಗಳಂತೆ

ಪ್ರತಿಯುಸಿರಿನಲ್ಲೂ ಬೆರೆತಿರುವೆ ನೀನು
ಹೃದಯಾಂತರಾಳದಿ ನೆಲೆಸಿರುವೆ ನೀನು
ಯಾವ ಜನ್ಮದ ಪುಣ್ಯವೊ ಅರಿಯದಾದೆ ನಾನು
ವಂದಿಪೆ ಆ ದೇವಗೆ ಮನಸಾರೆ ನಾನು

ಪ್ರೀತಿಯು ಏನೆಂಬುದ ಕಲಿಸಿದೆ ನೀನು
ಎಂದೆಂದು ಆಗಿರಲಿ ನಮ್ಮ ಬಾಳು ಹಾಲು ಜೇನು
ಮಮತೆಯ ಧಾರೆಯನು ಹರಿಸುತಿರು ಹೀಗೆ
ಪ್ರೀತಿಯ ಸುಧೆಯಲ್ಲಿ ತೇಲಿಸುವೆ ಪ್ರತಿಗಳಿಗೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಈ ಮನದಿ ನೀ ಬೆರೆತೆ

ಈ ಮನದಿ ನೀ ಬೆರೆತೆ
ನದಿಯೊಂದು ಸಾಗರವ ಸೇರಿದಂತೆ
ತುಂಬಿದೆ ಕನಸುಗಳಿಗೆ ಚೈತನ್ಯವ
ಆಗಸದಿ ಹಾರುವ ಹಕ್ಕಿಗಳಂತೆ

ಕಾತರದಿ ಕಾಯುತಿಹೆ ನಿನ್ನ ಸೇರಲು
ಬಾಳೆಂಬ ಸುಮಧುರ ಚಿತ್ರಣವ ಬಿಡಿಸಲು
ನನ್ನ ಲಹರಿಗೆ ನಿನ್ನ ಸ್ವರ ಬೆರೆಸಲು
ಪ್ರೀತಿಯ ದೇಗುಲದಿ ಜ್ಯೋತಿಯ ಬೆಳಗಿಸಲು

ನಾ ತಿಳಿಯದಾದೆ ಯಾಕಿಷ್ಟು ತುಡಿತ
ಮನ ಹುಚ್ಚಾಗಿ ಹಾರಿದೆ ಅದಕ್ಕಿಲ್ಲ ಹಿಡಿತ
ಮಾಡಿದೆ ನೀನು ಏನೊಂದು ಮೋಡಿ
ನಾವಾಗುವ ಬಾಳಲ್ಲಿ ಜನುಮದಾ ಜೋಡಿ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಒಲವೇ ಓ ನನ್ನೊಲವೇ

ಒಲವೇ ಓ ನನ್ನೊಲವೇ
ಮನವನು ಕಲಕಿ, ಪ್ರೀತಿಯ ಕಲಿಸಿ,
ಈ ಬಾಳಿನಾ ಅಂದವ ಹೆಚ್ಚಿಸಿದೆ
ಮಮತೆಯ ಸುಧೆಯ ನೀ ಹರಿಸಿದೆ
ಒಲವೇ ಓ ನನ್ನೊಲವೇ

ಬಿರುಗಾಳಿಗೆ ಸಿಲುಕಿ ದಾರ ಕಡಿದ ಪಟಕೆ
ಆಸರೆ ನೀ ನೀಡಿದೆ, ಚೈತನ್ಯ ತುಂಬಿದೆ
ಎಲ್ಲಾ ಶೂನ್ಯವೆಂದು ಹೊರಟ ಈ ದೇಹಕೆ
ಆಸೆ ತುಂಬಿದೆ, ಬದುಕಲು ಕಲಿಸಿದೆ
ಒಲವೇ ಓ ನನ್ನೊಲವೇ

ಎಷ್ಟೊಂದು ಸುಂದರ ಒಡನಾಟ ನಿನ್ನ
ಕನಸಲಿ ಕಾಡುವ ನೋಟ ನಿನ್ನ
ಕಾದಿಹೆ ಈ ಮನ ಬೆರೆತು ನಿನ್ನ
ಸಾಗಲು ಕಾಲಚಕ್ರದಿ,
ಜೊತೆಗೂಡಿ ಬಾಳೆಂಬ ರಥದಿ
ಒಲವೇ ಓ ನನ್ನೊಲವೇ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಆ ದಿನದ ನೆನಪು

ನಿನ್ನೊಂದಿಗೆ ಕಳೆದ ಆ ದಿನದ ನೆನಪು
ಪ್ರೀತಿಸುವ ಹಕ್ಕಿಗಳು ಜೊತೆಗೂಡಿದಾ ನೆನಪು
ಸೃಷ್ಟಿಕರ್ತನು ಸೇರಿಸಿದ ಪರಿಶುದ್ದ ಪ್ರೇಮ
ಕಲ್ಮಶವಿಲ್ಲದ ಮನಗಳ ಆ ಮಧುರ ಸಮ್ಮಿಲನ

ಪ್ರಕೃತಿಯ ಹಸಿರಿನಲಿ ನಮ್ಮಿಲನವಾದಾಗ
ತಣ್ಣನೆ ಗಾಳಿಯಲಿ ಮನವೆರಡು ಬೆರೆತಾಗ
ಬಂಡೆಕಲ್ಲೆ ನಮಗೆ ಸಿಂಹಾಸನವಾದಾಗ
ಹಕ್ಕಿಗಳ ಇಂಚರವೆ ನಮಗೆ ಸಂಗೀತವಾದಾಗ

ಹರಿಯುತಿದ್ದ ತೊರೆಯ ನೀರೆಮಗೆ ಹರಸಿದಾಗ
ಗಾಳಿಗುದುರಿದ ಪುಷ್ಪಗಳೇ ಅಭಿಷೇಕವಾದಾಗ
ಕೈಯಲ್ಲಿ ನಿನ್ನ ಮುಖ ಕಮಲವ ಹಿಡಿದು ನಿನ್ನ ಕಣ್ಣಲ್ಲಿ ಕಣ್ಣು ಸೇರಿಸಿದಾಗ
ನೇವರಿಸಿ ನಿನ್ನ ಕೇಶವ ಪ್ರೇಮಸುಧೆಯ ನಾ ಹರಿಸಿದಾಗ

ಮೈ ನಿನ್ನ ಕಂಪಿಸಲು ನನ್ನ ಹೆಗಲಲಿ ನೀ ತಲೆಯಿಟ್ಟಾಗ
ಭುಜವ ಹಿಡಿದು ಪ್ರೀತಿಯಿಂದ ಬರಸೆಳೆದು ಆಲಂಗಿಸಿದಾಗ
ಮುಂದಲೆಗೆ ಮಮತೆಯಿಂದ ಚುಂಬಿಸಿದಾಗ
ಗುಲಾಬಿ ಕೆನ್ನೆಗೆ ನಿನ್ನ ಸಿಹಿ ಮುತ್ತ ನೀಡಿದಾಗ
ತಡೆಯಲಾರದೆ ನಿನ್ನ ತುಟಿಗೆ ನಾ ತುಟಿಯ ಸೇರಿಸಿದಾಗ

ಮೊದಲ ಸ್ಪರ್ಶಕೆ ನೀ ಕಂಪಿಸಿ ಕುಳಿತಾಗ
ನೀ ನೀಡಿದ ಚುಂಬನಕೆ ಮೂಗೆರಡು ಮೀಟಿದಾಗ
ನೆನೆ ನೆನೆದು ನೀನು ಮನಬಿಚ್ಚಿ ನಕ್ಕಾಗ
ನಿನ್ನ ಶಿರವನು ನನ್ನ ಎದೆಯಲ್ಲಿ ಒತ್ತಿದಾಗ

ಚಳಿಯಲ್ಲೂ ಬಿಸಿಯಾದ ನಿನ್ನುಸಿರ ನೆನೆದಾಗ
ವರುಣನು ಹರ್ಷದಿ ನಮಗೆ ಹಾರೈಸಿದಾಗ
ಕಾಮಕ್ಕೆ ಜಾಗವಿಲ್ಲದ ಈ ಮಧುರ ಪ್ರೇಮ
ಉಸಿರೆರಡು ಬೆರೆತಂತ ಆ ದಿನವ ಮರೆಯಲಾರೆ ನಾನು
                                                 ಜನುಮ ಜನುಮ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಹರಿಯುತಿರ ಜಲಪಾತದಂತೆ

ಹರಿಯುತಿರ ಜಲಪಾತದಂತೆ
ಶುಭ್ರದಿ ಮಿನುಗುವ ನಿನ್ನ ಉಡುಗೆ
ಬಳ್ಳಿಯು ಮಾಮರವ ಸುತ್ತಿದಂತೆ
ನನ್ನ ತೋಳನು ಹಿಡಿದು ನಡೆದ ಆ ಗಳಿಗೆ

ಕೇಶವ ನೇವರಿಸಲು ನಿನ್ನ
ಆಸೆಯ ಮಿಂಚು ಹೊಳೆಯಿತು ಕಣ್ಣಲ್ಲಿ
ತುಟಿಯಂಚಿನಲಿ ಮೂಡಿತು ನಗುವು
ಶೀತಲ ಚಂದಿರನಂತ ನಿನ್ನ ಮೊಗದಲ್ಲಿ

ಕದ್ದು ಮುಚ್ಚಿ ನೀ ನನ್ನ ಕಂಡಾಗ
ಮನಸ್ಸಲ್ಲಿ ಪ್ರೇಮರಾಗ ಮೀಟಿತಾಗ
ಹರಿಣಿಯಂತೆ ಸೆಳೆವ ನಿನ್ನ ಅಂದ ಸವಿದಾಗ
ನಿನ್ನ ಸ್ಪರ್ಶದಿ ಬೆರೆತು ಈ ಜಗವ ಮರೆತಾಗ

ಕನಸಿನ ಚಿತ್ತಾರದಿ ನಾ ಕಂಡ ಚೆಲುವೆ
ಬಾಳಿನ ಪುಟದಲ್ಲಿ ಒಂದಾಗು ಒಲವೆ
ಪ್ರೀತಿಯ ಪುಷ್ಪಗಳ ನಿನಗೆ ಅರ್ಪಿಸುವೆ
ಹೃದಯದ ದೇಗುಲದಿ ನಿತ್ಯ ಪೂಜಿಸುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಕಿವಿಯಲ್ಲಿ ಪಿಸುರಿದೆ

ಕಿವಿಯಲ್ಲಿ ಪಿಸುರಿದೆ ನೀ
ಪ್ರೀತಿ ಎಂಬ ಎರಡಕ್ಷರವ
ರೋಮಾಂಚನವಾಯಿತು ಈ ಮನವು
ಕೇಳಿದಾಗ ನಿನ್ನ ಮಧುರ ಸ್ವರವ

ಜೊತೆಗೂಡಿ ನಡೆದಾಗ
ನಿನ್ನ ಕೈಯ ಸ್ಪರ್ಶವಾದಾಗ
ಏನೋ ಒಂದು ಕಂಪನ
ಮನವೆರಡು ಬೆರೆತಂತ ಆ ಕ್ಷಣ

ಹೆಗಲಲ್ಲಿ ಕೈಯಿಟ್ಟು ನಿನ್ನ ಬರಸೆಳೆದಾಗ
ನೀ ನನ್ನ ನಡು ಹಿಡಿದು ಅಪ್ಪಿ ತಬ್ಬಿದಾಗ
ನನ್ನ ಕಣ್ಣಿಗೆ ನೀ ಕಣ್ಣು ಸೇರಿಸದಾದೆ
ನಾಚಿ ನೀರಾಗಿ, ಎದೆಬಡಿತ ಜೋರಾಗಿ, ಬಿಸಿಯುಸಿರು ಹಿತವಾಗಿ
ನನ್ನ ಎದೆಯಲಿ ನೀ ಅವಿತು ಹೋದೆ

ಏಕೆಂದು ತಿಳಿಯದು ದಿನವಿಡೀ ನಿನ್ನ ಚಿಂತೆ
ಓಡುವ ಮನವನ್ನು
ಹಾರುವ ಕಣ್ಣುಗಳನ್ನು
ನೀ ತಡೆದು ನಿಲ್ಲಿಸಿದೆ
ಪ್ರೀತಿಯೆಂಬ ದಾರದಲ್ಲಿ ಬಂದಿಸಿ
ಪ್ರೇಮ ಸುಧೆಯ ಹರಿಸಿದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಮೇಘಗಳ ಲೋಕದಿಂದ

ಮೇಘಗಳ ಲೋಕದಿಂದ ಧರೆಗಿಳಿದ ಚೆಲುವೆ
ಅಂತರಂಗದ ಕರೆಗೆ ಓಗೊಟ್ಟ ಒಲವೆ
ಹರಿವ ಜಲಪಾತದಂತೆ ಶುಭ್ರ ನಿನ್ನ ಮನವು
ತಂಗಾಳಿಯಂತೆ ಸನಿಹ ನೀ ಬರಲು ಹಿತವು

ಕಾಡಿದೆ ಈ ಮನವ ಪ್ರೀತಿಯ ಸಿಂಚನದಿ
ನೀಡಿದೆ ನೀ ಹರುಷ ನನ್ನ ಜೀವನದಿ
ಹರಿಸಿದೆ ಪ್ರೇಮಧಾರೆ ಮಾತಿನ ಮೋಡಿಯಲಿ
ತುಂಬಿದೆ ಉಲ್ಲಾಸ ನಿನ್ನಯ ಸ್ಪರ್ಶದಲಿ

ಸುಮವರಳಿದಂತೆ ನೀನು ಕಿಲಕಿಲನೆ ನಕ್ಕಾಗ
ನಾ ಸೋತೆ ನಿನ್ನ ಆ ಚೆಲುವ ಕಂಡಾಗ
ಕಾಡಿಗೆಯ ಕಣ್ಣನ್ನು ನೋಡಲೆಷ್ಟು ಚಂದ
ಭಾವನೆಗಳು ಬೆರೆತಾಗ ತುಂಬಿದೆ ಆನಂದ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಹಸಿರು ಸೀರೆ ಉಟ್ಟಾಗ

ಭುವಿಯಂತೆ ನೀ ಕಂಡೆ
ಉಟ್ಟಾಗ ಹಸಿರಿನಾ ಸೀರೆ
ಹರಿವರ್ಣದಿ ಕಂಗೊಳಿಸಿದೆ
ನನ್ನ ಮನ ಕದ್ದ ಚತುರೆ

ಚಂದಿರನ ಮೊಗದಲ್ಲಿ
ನಯನಗಳೆಂಬ ಕಮಲಗಳು
ನಗುವಲ್ಲಿ ನಿನ್ನ ಕಂಡೆ
ಬಾಳಿನಾ ಕನಸುಗಳು

ಕುತ್ತಿಗೆಯ ಸರದಲ್ಲಿ
ನನ್ನ ಪ್ರೀತಿಯ ಬಯಕೆಗಳು
ಪಳಪಳನೆ ಮಿನುಗುತಿರುವ
ಸ್ವರ್ಣದ ಬಳೆಗಳು

ಲಜ್ಜೆಯಿಂದ ನಾಚಿರುವೆ
ಬಳುಕುತಾ ನೀ ಬರಲು
ಜಗವ ಮರೆತು ಮರುಳಾದೆ
ಸನಿಹ ನನ್ನ ನೀ ಬರಲು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಹೇಗೆ ಇರಲಿ

ಹೇಗೆ ಇರಲಿ ನಿನ್ನಿಂದ ದೂರ
ಒಂದೊಂದು ನಿಮಿಷ ಆಗಿದೆ ವರುಷ
ನೀ ಹೊರಟೆಯಲ್ಲೆ ದಾರಿ ಊರ
ನಿನ್ನ ನೋಡದೆ ಚಡಪಡಿಸಿದೆ ಈ ಮನ ಪ್ರತಿ ನಿಮಿಷ

ನನ್ನ ವೇದನೆ ನೀ ಯಾಕೆ ಅರಿಯದಾದೆ
ಒಂದು ಕ್ಷಣವೂ ದೂರ ಇರದಾದೆನೆ
ಪ್ರೀತಿ ಅರಳಿಸಿ ನನ್ನಯ ಮನದಲಿ
ಸ್ಪಂದಿಸದಾದೆ ಯಾಕೆ ತಿಳಿಯದಾದೆನೆ

ಹೃದಯ ಅತ್ತು ಕರೆದಿದೆ ನಿನ್ನ
ಅದರ ಕೂಗು ಕೇಳದೆ ಚಿನ್ನ
ನುಡಿಯ ಕೇಳದೆ ಕಿವಿಗಳು ನನ್ನ
ಕಾದಿದೆ ದೂರದ್ವನಿಯ ಸ್ವರವನ್ನ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಸವಿ ಸವಿ ನೆನಪಿನ ಈ ಓಲೆ

ಸವಿ ಸವಿ ನೆನಪಿನ ಈ ಓಲೆ
ಪ್ರೀತಿಯ ಗೆಳತಿಯ ಹೆಸರಿನಲೆ
ಹಾಡಾಗಿ ಹರಿದಿದೆ ಹೃದಯದಿಂದ
ಭಾವಗಳು ಬೆರೆತಂತ ದಿನದಿಂದ

ತೋರಣವ ಕಟ್ಟಿರುವೆ ಕನಸುಗಳ
ಜ್ಯೋತಿಯ ಬೆಳಗಿರುವೆ ಆಸೆಗಳ
ಸುಮಗಳ ಹಾಸಿರುವೆ ಹಾದಿಯಲಿ
ಸಾಗೋಣ ಜೊತೆಯಾಗಿ ಜೀವನದಲಿ

ನಿನ್ನ ನೆನಪಲೆ ಕವಿಯಾದೆ
ಕವನಗಳ ಧಾರೆ ಹರಿಯಿಸಿದೆ
ಹೃದಯವ ತೆರೆದು ಕಾದಿರುವೆ
ಓಡೋಡಿ ಬಂದು ಸೇರು ನನ್ನೊಲವೆ

ಕೊರಳಲ್ಲಿ ನಿನ್ನ ಮಾಲೆಯಾಗಿರುವೆ
ಕೈಗಳ ಬಳೆಗಳ ನಾದವಾಗಿರುವೆ
ಉಸಿರಲ್ಲಿ ನಿನ್ನ ನಾ ಬೆರೆಯುವೆ
ಹೃದಯದಾ ಬಡಿತ ನಾನಾಗುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಎಂದು ಕಂಡೆನಾ ನಿನ್ನ ಕಂಗಳ

ಎಂದು ಕಂಡೆನಾ ನಾನು ನಿನ್ನ ಕಂಗಳ
ಮರುಳಾದೆ ನಾ ಅದರ ಅಂದಕೆ
ಘಾಸಿಯಾಯಿತು ನನ್ನ ಮನವು
ಬಾಣದಂತ ಹರಿತ ನೋಟಕೆ

ಪ್ರೀತಿ ಚಿಗುರಿತು ನೀ ಬೀರಲು ಹೂವಿನ ನಗೆ
ಮುತ್ತಿನಂತ ನಿನ್ನ ಆ ಕಿರುನಗೆ
ಮಿಂಚಂತೆ ನಾಟಿತು ನನ್ನ ಹೃದಯಕೆ
ಸರಿಗಮವು ಒಟ್ಟಾಗಿ ಚೆಲ್ಲಿದಾ ನಗೆ

ಗುಲಾಬಿ ಕಮಲದ ಅಂದ ನಿನ್ನ ಕೆನ್ನೆಯೂ
ದಾಳಿಂಬೆ ಹೂವಿನ ದಳವು ನಿನ್ನ ತುಟಿಯೂ
ಜೇನಿನ ಮಧುರ ರಸವ ಅದಕೆ ಸವರಿದೆ
ಸಿಹಿ ಮುತ್ತ ನೀಡಿದಾಗ ಸ್ವರ್ಗ ಇಲ್ಲಿದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಕಡಲ ತೀರದಿ ಜೊತೆ ಕುಳಿತು

ಕಡಲ ತೀರದಿ ಜೊತೆ ಕುಳಿತು
       ಮುಳುಗುತಿರುವ ರವಿತೇಜ ನೋಡುವಾಸೆ
ತಬ್ಬಿ ಹಿಡಿದು ನನ್ನ ತೋಳಲಿ
       ಪ್ರಣಯ ಸುಖವ ನೀಡುವಾಸೆ
ಹಾಲುಗೆನ್ನೆಯ ಮುದ್ದುಮಾಡಿ
       ಕೆಂದುಟಿಯ ಚುಂಬಿಸುವಾಸೆ
ಪ್ರೀತಿ ಸಾಗರದಿ ತೇಲಿ ತೇಲಿ
       ಜೋಡಿ ಹಕ್ಕಿಗಳಂತೆ ಹಾರುವಾಸೆ

ಜೇನಿನ ಅಭಿಷೇಕ ಮಾಡಿ
      ಸಿಹಿಮುತ್ತ ನೀಡುವಾಸೆ
ಹಾಲಿನ ಸುಧೆಯಲ್ಲಿ
     ನಿನ್ನ ಸೇರಿ ಈಜುವಾಸೆ
ಗುಲಾಬಿಯ ಎಸಳಿಂದ
     ನಿನ್ನ ಶೃಂಗಾರ ಮಾಡುವಾಸೆ
ಮುಂಜಾನೆಯ ಮಂಜಲ್ಲಿ
     ನಿನ್ನ ಕೂಡಿ ನಲಿವ ಆಸೆ

ಬಳಸಿ ನಿನ್ನ ನಡುವ
     ಮಗುವಂತೆ ಎತ್ತಿ ಆಡಿಸುವಾಸೆ
ನಿನ್ನ ಗೆಜ್ಜೆ ನಾದದಲಿ
     ಮನಬಿಚ್ಚಿ ನರ್ತಿಸುವಾಸೆ
ತೊಡೆಯ ಮೇಲೆ ತಲೆಯಿಟ್ಟು
     ಒಂದು ಸಾರಿ ಮಲಗುವಾಸೆ
ನಾನು ನೀನು ಒಟ್ಟು ಸೇರಿ
    ಈ ಜಗವ ಗೆಲ್ಲುವಾಸೆ

ರಚನೆ: ಶಶಿಕುಮಾರ್ ವಿ. ಕುಲಾಲ್

ಬದುಕಲಾರೆನು

ಏನಾಗಿದೆ ನನಗೆ ಯಾಕೀಗಾಗಿದೆ
ಮನಸ್ಸು ಎಲ್ಲಿದೆ ನನ್ನ ಧ್ಯಾನವೆಲ್ಲಿದೆ
ಓಡುತ್ತಿರುವುದು ಮನಸ್ಸು ನಿನ್ನ ಹಿಂದೆಯೆ
ಹಿಡಿದು ನಿಲ್ಲಿಸು ಅದನ್ನು ಪ್ರೀತಿಯಿಂದಲೇ

ಕನಸುಗಾರನಾಗಿ ನನ್ನ ಮಾಡಿದೆ
ನಿರ್ಜೀವ ದೇಹಕೆ ಉಸಿರು ತುಂಬಿದೆ
ತಾಳಲಾರೆನು ನಿನ್ನ ಮರೆಯಲಾರೆನು
ನಿನ್ನ ಸೇರದೆ ಹೋದರೆ ಬದುಕಲಾರೆನು

ಪ್ರೀತಿ ಪ್ರೇಮ ಬರೀ ಭ್ರಮೆ ಎಂದು ಕೊಂಡೆನೆ
ನಿನ್ನ ಕಣ್ಣ ನೋಟದಿ ನಿಜವೆಂದು ಕಂಡೆನೆ
ಎಲ್ಲಿ ನೋಡಿದರು ನಿನ್ನ ಚಹರೆ ಕಂಡಿಹೆ
ನನ್ನೆದೆ ಗೂಡಲಿ ನೀನು ಸ್ಥಿರವಾಗಿಹೆ

ರಚನೆ: ಶಶಿಕುಮಾರ್ ವಿ. ಕುಲಾಲ್

ಹೊಸ ಉಲ್ಲಾಸ ಮೂಡಿದೆ

ಹೊಸ ಉಲ್ಲಾಸ ಮೂಡಿದೆ ಮನದಲಿ
ಚಿಗುರಿದೆ ಬಯಕೆಯು ಮೊಗ್ಗುಗಳಲಿ
ತುಂಬಿದೆ ಎನಗೆ ಮಾತಲ್ಲಿ ಹುರುಪು
ಚೆಲ್ಲಿದೆ  ಬಾಳಲ್ಲಿ ಬಣ್ಣಗಳ ಹೊಳಪು

ನಿನ್ನ ಸ್ಪರ್ಶದಲಿ ಏನಿದೆ ಮಾಯೆಯೊ
ಮಳೆ ಬಿದ್ದು ತಂಪಾದ ಧರೆಯಾದೆನಲ್ಲೆ
ಚಿಲಿಪಿಲಿ ಹಕ್ಕಿಗಳ ಇಂಚರವು ನೀ ನಗಲು
ದುಃಖವ ಮರೆಸಿ ನೀ ತಂದೆ ಸುಖದ ಹೊನಲು

ಎಂದೆಂದು ನೀನಿರು ಉಸಿರಾಗಿ ನನ್ನುಸಿರಲ್ಲಿ
ನನ್ನ ಹೃದಯ ಬಡಿದಾಗ ಅದರ ಬಡಿತ ಆಗು ಅಲ್ಲಿ
ಪ್ರೀತಿಯ ದೇಗುಲ ಬೆಳಗು ಬಂದಿಲ್ಲಿ
ಜೀವವ ತುಂಬು ನನ್ನಯ ಬಾಳಲ್ಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್

ಕಾದಿರುವೆ ಸೇರಲು

ಚಿಗುರಿದೆ ನಿನ್ನಯ ಮನದಲಿ
ನನಗಾಗಿ ಪ್ರೀತಿಯ ಭಾವನೆ
ಅರಳಿದೆ ನಿನ್ನಯ ಕಂಗಳಲಿ
ನನಗಾಗಿ ಜೀವನದ ಪರಿವರ್ತನೆ

ನನ್ನಲ್ಲಿ ಮಾತನಾಡಲು ನಿನಗೆಷ್ಟು ಆತುರ
ನಿನ್ನನ್ನು ನೋಡಲು ನನಗೆಷ್ಟು ಕಾತರ
ಮನಸ್ಸುಗಳ ಮಿಲನ
ಬೆರೆತಾಗ ಉಸಿರುಸಿರು
ಸ್ವರ್ಗದಾ ಸುಖವನ್ನು ನಾ ಕಂಡೆನೆ
ನಿನ್ನಯ ಸ್ಪರ್ಶದಿ ನಾ ಮಿಂದೆನೆ

ನಮ್ಮ ಸ್ನೇಹ ಜೇನಂತೆ ಮಧುರ
ನಮ್ಮ ಪ್ರೀತಿ ಬೆಳದಿಂಗಳಂತೆ ಸುಂದರ
ಒಲವಿನ ಸುಮವು
ಅರಳಲು ಘಮ ಘಮವು
ತುಂಬಿದೆ ಬಾಳಲ್ಲಿ ಹರುಷವ ನೀನು
ಕಾದಿರುವೆ ಸೇರಲು ನಿನ್ನಲ್ಲಿ ನಾನು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಓ ಎನ್ನ ಬಂಗಾರ

ಆ ಸೂರ್ಯೆ ಬನ್ನಗ
ನಿನ್ನ ಮೋನೆ ಕೆಂಪಾಂಡ್
ಎನ್ನ ನೆಂಪು ಮೂಡ್ನಗ
ಮನಸ್ ನಿನ್ನ ಮರ್ಲಾಂಡ್

ಪುಲ್ಯ ಕಾಂಡೆ ಬೊಲ್ಪುದ
ಮೋಕೆ ದಿಂಜಿ ಪಾತೆರ
ನಿಕ್ಕಾತ್ರ ಕಾತ್ ದ್ ಉಂತುದೆ
ಓ ಎನ್ನ ಬಂಗಾರ
ಓ ಎನ್ನ ಬಂಗಾರ

ಮನಸ್ ದ ಆಸೆ
ಈ  ಪನ್ಲ ಎಂಡ ಒರಾ
ಮಲ್ಪುವೆ ಪೂರ
ಆಸೆನ್ ಸಾರ

ಉಡಲ್ ಡೆ ಬರೆಯೆ
ಯಾನ್ ಮೋಕೆದ ಅಕ್ಷರ
ನಿನ್ನ ಪುದರ್ ಅಚ್ಚಾಂಡ್
ಓ ಎನ್ನ ಬಂಗಾರ
ಓ ಎನ್ನ ಬಂಗಾರ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಚಿಮ್ಮಿತು ಪ್ರೀತಿಯ ಚಿಲುಮೆ

ಚಿಮ್ಮಿತು ಪ್ರೀತಿಯ ಚಿಲುಮೆ ಕಂಡಾಗ ನಿನ್ನನು
ತುಟಿಯಲ್ಲಿ ನಿನ್ನ ಅಂದು ಕಂಡಾಗ ನಗುವನು
ಎಷ್ಟೊಂದು ಮಧುರ ಕಳೆದೊಂದು ದಿನವದು
ಕಂಗಳ ನೋಟ ಬೆರೆತಂತ ಕ್ಷಣವದು

ಪ್ರೀತಿಯ ಗುಲಾಬಿ ಕೊಟ್ಟಾಗ ನಿನ್ನ ಕೈಗೆ
ನಾಚಿ ನೀರಾದೆ ಕೆಂಪುಗೆನ್ನೆಯ ಸೊಬಗೆ
ನನ್ನ ಕೈಯಲ್ಲಿ ನೀ ಕೈ ಜೋಡಿಸಿದಾಗ
ಜೋಡಿ ಹಕ್ಕಿಗಳಂತೆ ಮನ ಹಾರಿತಾಗ

ಹೀರಿದಾಗ ಜೊತೆಯಾಗಿ ಹಣ್ಣಿನ ರಸವನು
ಕರಗಳಲಿ ರೋಮವು ಜುಮ್ಮೆಂದ ಕ್ಷಣವನು
ಮರೆಯಲಾರೆ ಎಂದಿಗೂ ಮೊದಲ ಭೇಟಿಯನು
ಕಳೆಯೋಣ ಪ್ರತಿಕ್ಷಣ ಸವಿಯುತ್ತಾ ಬಾಳರಸವನು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಹಾಡೋಣ ಬಾ ಗೆಳತಿ

ಹಾಡೋಣ ಬಾ ಗೆಳತಿ ಪ್ರಣಯರಾಗ
ಕುಣಿಯೋಣ ಹೃದಯದೊಡತಿ ಸೇರಿ ಈಗ
ಪ್ರೀತಿಯ ಮತ್ತನ್ನು ಉಣಿಸಿದೆ ನೀನು
ಒಲವೆ ನೀನು ಬಾರೆ..... ಚೆಲುವೆ ನೀನು ಬಾರೆ

ಬಾಳ ಸರಿಗಮದಿ ನೀ ರಾಗವಾದೆ
ನನ್ನ ಉಸಿರ ಉಸಿರಲ್ಲಿ ನೀ ಐಕ್ಯವಾದೆ
ಕಣ್ಣಲ್ಲಿ ಕಣ್ಣಿಟ್ಟು ಕಾಯುವೆ ನಿನ್ನ
ಪ್ರೀತಿ ನೀನು ಬಾರೆ ....... ಮನಸ ನೀಡು ಬಾರೆ

ಬೆಳದಿಂಗಳಾಗಿ ನೀ ತೋರಿದೆ ಬೆಳಕ
ನೀ ಸನಿಹ ಬರುತಿರಲು ಮೈಯೆಲ್ಲ ಪುಳಕ
ಬಾಳೋಣ ಜೊತೆಯಾಗಿ ನಾವು
ಕನಸ ನೀಡು ಬಾರೆ ..... ನನಸ ಮಾಡೋಣ ಬಾರೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಏನಾಗಿದಿಂದು ಎನಗೆ

ಏನಾಗಿದಿಂದು ಎನಗೆ ಈ ಕಂಪನ
ತವಕವು ಸೇರಲು ನನ್ನ ಮನಸಿನ
ಪ್ರೀತಿಯ ಭಾಷೆಯಲಿ ಏನೆನ್ನಲಿ
ಮೈಜುಮ್ಮೆನ್ನಲು ನಿನ್ನ ಮಾತಿನಲಿ

ನಿನ್ನ ಸ್ವರವ ಕೇಳುತಿರೆ ಚೈತನ್ಯ ಹುಟ್ಟಿದೆ
ಮನವೆಂಬ ಹಕ್ಕಿ ಆಕಾಶದಿ ಹಾರಿದೆ
ತುಂಬಿದೆ ಉಲ್ಲಾಸ ನನ್ನ ಬಾಳಿನಲ್ಲಿ
ಚಡಪಡಿಸಿದೆ ಈ ಒಡಲು ಸೇರಲು ನಿನ್ನಲ್ಲಿ

ಪ್ರೀತಿಯ ನಗುವನ್ನು ಕೇಳುತಿರೆ ಆನಂದ
ನಿನಗಾಗಿ ತೆರೆದಿಡುವೆ ಕದವನ್ನು ಹೃದಯದ
ನದಿಯೊಂದು ಹರಿಯುತ್ತಾ ಸೇರಿದಂತೆ ಸಾಗರವ
ಒಲವಿಂದ ಬಂದು ಸೇರು ನನ್ನ ಜೀವನವ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೋಡುತಿರೆ ನಿನ್ನ ನಡುವ

ನೋಡುತಿರೆ ನಿನ್ನ ನಡುವ ಬಳುಕುವ ಬಳ್ಳಿಯಂತೆ
ನಡೆಯುತಿರೆ ಮೆಲ್ಲನೆ ಅಪ್ಸರೆಯ ನಾಟ್ಯದಂತೆ
ಸವರಿದಾಗ ಅದರಲಿ ಸುತ್ತಲು ಬೆರಳನು
ನಾಚಿ ನೀರಾಗಿ ಅಪ್ಪಿದೆ ನನ್ನನು

ಹರಿಯುತಿಹ ನದಿಯಂತೆ ಬಳುಕುತಿಹ ನಿನ್ನ ನಡುವು
ನವಿಲಿನ ನಾಟ್ಯದಂತೆ ಕುಣಿವಾಗ ನಿನ್ನ ನಡುವು
ಮರುಳಾದೆನೆ ನಿನ್ನ ತಿರುಗುವ ನಡುವಿನ ಬಿನ್ನಾನಕೆ
ಬಾ ಸನಿಹಕೆ ನಿನ್ನ ಕೊಂಡೊಯ್ಯುವೆ ಸ್ವರ್ಗದ ಲೋಕಕೆ

ಮರುಳಾಗದವರಿಲ್ಲ ಹೆಣ್ಣಿನ ಸೊಂಟಕೆ
ಸೆಳೆಯಿತಲ್ಲೆ ನನ್ನ ಮನ ನಿನ್ನ ಸಣ್ಣ ಸೊಂಟಕೆ
ಹಿಡಿದು ಬರಸೆಳೆಯಲು ನಿನ್ನ ಹಿಡಿದು
ವ್ಯಕ್ತ ಪಡಿಸಲಾಗದ ಸಂತಸ ಕಂಡೆನಿಂದು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಜಾರಿ ಬಿದ್ದೆನು

ಜಾರಿ ಬಿದ್ದೆನು ನಿನ್ನ ಕಣ್ಣ ನೋಡುತಾ
ಮರಳಿ ಎದ್ದೆನು ನಿನ್ನ ಬಾಹು ಹಿಡಿಯುತಾ
ಮನಸೂರೆಗೊಳ್ಳುವ ನೋಟ ನಿನ್ನ ಕಣ್ಣಲಿ
ಮದವೇರಿ ನಾ ಬಿದ್ದೆ ಅದರ ನಶೆಯಲಿ

ಅಪ್ಪಿಕೊಂಡೆಯಾ ನನ್ನ ಪ್ರೀತಿಯಿಂದಲೆ
ನಿನ್ನವನಾದೆ ನಾ ಆ ಕ್ಷಣದಿಂದಲೆ
ನಾಚಿ ಮುದುಡಿದೆ ನೀ ನನ್ನ ತೋಳತಕ್ಕೆಯಲಿ
ಪ್ರೀತಿ ಪುಟಿಯಿತು ನಿನ್ನ ಎದೆಯಾಳದಲಿ

ಉಸಿರು ಬೆರೆತ ಆ ಕ್ಷಣವನು
ಮನಸೆರಡು ಸೇರಿದ ಆ ದಿನವನು
ಮರೆಯಲಾರೆನು ಎಂದಿಗೂ
ಇರಲಿ ನಮ್ಮ ಈ ಬಂಧ ಎಂದೆಂದಿಗೂ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೀ ನಗಲು ಹೂನಗೆ

ನೀ ನಗಲು ಹೂನಗೆ ನನ್ನ ಮನವು ಕುಣಿದಿದೆ
ಕಣ್ಣಿನ ಸನ್ನೆಗೆ ಹೊಸ ಆಸೆ ಮೂಡಿದೆ
ಪ್ರೀತಿಯ ಮಾತಲಿ ನಾ ಮರೆತೆ ನನ್ನನು
ಏನೊಂದು ಮಾಯೆಯೊ ಕಂಡಾಗ ನಿನ್ನನು

ಕೈಬಳೆ ನಾದಕೆ ಸೋತೆನೇ ನಾನು
ಬಳುಕುವ ಬಳ್ಳಿಯ ಲತೆಯಂತೆ ನೀನು
ನಿನ್ನ ಸ್ಪರ್ಶಕೆ ಮೈಮರೆತೆ ನಾನು
ನೀಲವೇಣಿ ನಿನ್ನ ತುಟಿಯ ರಸದಲ್ಲಿ ಜೇನು

ನಡೆದಾಗ ಗೆಜ್ಜೆಯ ಸ್ವರವೇ ಸಂಗೀತವಾಯಿತೆ
ನುಡಿದಾಗ ನಿನ್ನ ವಾಣಿ ಲಹರಿಯಂತಾಯಿತೆ
ರಂಬೆಯೆ ನಾಚುವ ಮೈಮಾಟ ನಿನ್ನಲಿ
ಎಂದೆಂದೂ ನಾವು ಒಂದೇ ನೂರಾರು ಜನ್ಮ ಬರಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೀ ಸೇರು ನನ್ನಲೆ

ನಿನ್ನ ಮನಸ್ಸಲ್ಲಿ ತುಂಬಿದೆ ನನಗಾಗಿ ಪ್ರೀತಿ
ತೋರ್ಪಡಿಸಲಾರೆಯಾ ಯಾಕಿಷ್ಟು ಭೀತಿ
ನಿನ್ನ ವಾಣಿಯಲಿ ನಾ ಕಂಡೆ ಒಲವು
ನಿನ್ನ ಕಂಗಳಲಿ ನನಗಾಗಿ ಕಾತರವು

ಕಾಯುತಿರುವೆ ನನ್ನ ಒಂದು ನೋಟಕೆ
ಹಂಬಲಿಸುತಿರುವೆ ನನ್ನ ಒಡನಾಟಕೆ
ಮನಸಿನ ಭಾವನೆಯ ಯಾಕೆ ಮುಚ್ಚಿಡುವೆ
ಮೀರಿದರೆ ಕಾಲ ವ್ಯರ್ಥ ದುಃಖ ಪಡುವೆ

ಬಂಧು ಮಿತ್ರರು ಜೊತೆಗೂಡಿ ಬರುವರೇನು
ನೀ ನೊಂದು ನಿಂತಾಗ ಸಂತೈಸುವರೇನು
ಬರುವಾಗ ಬೆತ್ತಲೆ ಹೋಗುವಾಗ ಕತ್ತಲೆ
ಬಂದು ಹೋಗುವ ನಡುವೆ ನೀ ಸೇರು ನನ್ನಲೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಮಳೆ ಬಂದು ನಿಂತಾಗ

ಮಳೆ ಬಂದು ನಿಂತಾಗ
ಉರಿಬಿಸಿಲು ಮೂಡಿದಾಗ
ಅದ ಬೇಗೆ ಸಹಿಸಲು ಸಾದ್ಯವೇನು 
ನೀ ಪ್ರೀತಿಯ ಸಿಂಚನವಿತ್ತು
ನನ್ನ ಮನವ ಅರಿಯದೆ ಹೊರಟಾಗ
ಅದ ಬೇನೆ ಸಹಿಸಲು ಸಾದ್ಯವೇನು 

ಹುಟ್ಟಿದ ಪ್ರೀತಿಯ ನೀ ಅರಿಯದಾದೆ
ಮನಸಿನ ಭಾವನೆಗೆ ನೀ ಸ್ಪಂದಿಸದಾದೆ
ನಿನ್ನ ಮೋಹಿಸಿ ನಾನು ಮರುಳಾದೆ
ಪೋಣಿಸಿದ ಹೂ ಮಾಲೆ ತುಂಡರಿಸಿ ಹೋದೆ

ನಾ ಕಂಡ ಕನಸಿಗೆ ತಣ್ಣೀರೆರೆಚಿ ನೀ ಹೋದೆ
ಉಕ್ಕಿ ಬರುವ ಕಣ್ಣೀರ ನೀ ಕಾಣದಾದೆ
ನೆನಪಿನ ಮಳೆಯಲ್ಲಿ ನಾ ಬಾಳಲಾರೆನು
ನನ್ನುಸಿರು ನಿಂತಾಗ ನೀ ಬರುವೆಯೇನು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಏಕಾಂಗಿ ನಾನಾದೆನೆ

ಹಚ್ಚನೆ ಹಸಿರಲಿ ಮೈದುಂಬಿ
ನಲಿಯುವ ಮರದ
ಒಣಗಿ ನಿಂತ ರೆಂಬೆ ನಾನಾದೆನೆ
ವಿಧಿಯೇ .... ಏಕಾಂಗಿ ನಾನಾದೆನೆ

ಮಾಡಿದ ಕಾರ್ಯದಿ ಜಯವೆ ಇಲ್ಲ
ನಡೆವ ಹಾದಿಲಿ ಮುಳ್ಳೇ ಎಲ್ಲ
ಯಾವ ಜನ್ಮದ ಕರ್ಮವೊ
ತಿಳಿಯದಾದೆನೆ ..... ಏಕಾಂಗಿ ನಾನಾದೆನೆ

ಬಣ್ಣವಿಲ್ಲದ ಈ ಬದುಕು
ಖಾಲಿ ಹಾಳೆಯ ಈ ತುಣುಕು
ಬರೆದ ಲೇಖನ ಮಾಸಿಹೋಯಿತೆ
ಯಾಕೆ ತಿಳಿಯದಾದೆನೆ ..... ಏಕಾಂಗಿ ನಾನಾದೆನೆ

ಬತ್ತಿ ಹೋದ ಕೆರೆಯಂತಾಯಿತೆ
ನಂದಿ ಹೋದ ದೀಪದಂತಾಯಿತೆ
ಪಟ್ಟ ಪ್ರಯತ್ನ ಫಲಿಸದೆ ಹೋಯಿತೆ
ಯಾಕೆ ತಿಳಿಯದಾದೆನೆ ..... ಏಕಾಂಗಿ ನಾನಾದೆನೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಭಾವನೆಗಳ ಭೋರ್ಗರೆತ

ಭಾವನೆಗಳ ಭೋರ್ಗರೆತ
ಹೃದಯವೆಂಬ ಸಾಗರದಿ
ಅಪ್ಪಳಿಸಿದೆ ಅಲೆಗಳಾಗಿ
ಪ್ರೀತಿಯೆಂಬ ಕಾವ್ಯದಿ

ಚಿಗುರುತಿದೆ ಬಯಕೆಗಳು
ಸೇರಿ ಬಾಳಲು ನಿನ್ನೊಡನೆ
ಜೀವನವೆಂಬ ರಥದಲ್ಲಿ
ನಾನು ನೀನು ಗಾಲಿಗಳಾಗಿ

ಕಣ್ಣೋಟದಿ ಸೃಷ್ಟಿಸಿದೆ
ಎದೆಗೂಡಲಿ ವೃಂದಾವನ
ಭಾವ ತರಂಗಗಳು ಶೃತಿಲಯದಿ
ಹಾಡಾಗಿ ಚಿಮ್ಮಿದೆ ಪ್ರೇಮರಾಗದಿ

ಜೋಡಿಸಿದೆ ಕಾವ್ಯ ಬಿಂದುಗಳನ್ನು
ನಿನಗಾಗಿ ಬರೆದೆ ಕವಿತೆಗಳಾಗಿ
ಧುಮ್ಮಿಕ್ಕುವ ಪ್ರೀತಿ ಜಲಪಾತದಿಂದ
ನಿನಗಾಗಿ ಹರಿದಿದೆ ಪ್ರೇಮಸುಧೆಯಾಗಿ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ನಮ್ಮ ಪ್ರೀತಿ

ಎರಡು ಮನಸುಗಳ ಬೆಸುಗೆ
ಕಣ್ಣುಗಳೆರಡರ ಸ್ಪಂದನ ಪ್ರೀತಿ
ಮೊದಲ ನೋಟದಿ ಚಿಗುರಿದರೂ
ಸಾವೆಂಬುದಿಲ್ಲದ ನಮ್ಮ ಪ್ರೀತಿ

ಬಣ್ಣಗಾರ ನಾನಾಗುವೆ
ನಿನ್ನ ಕನಸುಗಳ ಗೋಪುರದ
ಚೆಲ್ಲಿ ರಂಗನು ಬೆಳದಿಂಗಳ
ಜೀವ ಕಳೆಯ ತುಂಬುವೆ

ಪುಷ್ಪದಂತೆ ನೋಡುವೆ
ಹೃದಯ ಬಸಿದು ಬೊಗಸೆ ತುಂಬ
ಪ್ರೀತಿ ತುಂಬಿ
ನಿನ್ನ ಪೋಷಿಸುವೆ

ಎದೆಗೂಡಿನ ಸಿಂಹಾಸನದಿ
ರಾಣಿಯಂತೆ ಕೂರಿಸುವೆ
ಹಾಡಿ ಜೋಗುಳ ಮಲಗಿಸಿ ನಿನ್ನ
ಮಗುವಿನಂತೆ ಮುದ್ದಿಸುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಹೋಗಬೇಡವೆ ಒಂಟಿಯಾಗಿಸಿ

ಹೋಗಬೇಡವೆ ಗೆಳತಿ ಒಂಟಿಯಾಗಿಸಿ
ಬದುಕಲಾರೆ ನಿನ್ನ ಬಿಟ್ಟು ಓ ಪ್ರೇಯಸಿ
ನೋವಿನಲ್ಲೂ ನಗಿಸಿ ನನ್ನ ಪ್ರೀತಿಸಿದೆ
ನಾ ಬರೆದ ಕವಿತೆಯ ಲಹರಿ ನೀನಾದೆ

ಕತ್ತಲಲ್ಲಿ ಹುಡುಕುತಿರಲು ಸಂತೈಸುವ ಕೈಗಳನ್ನು
ಮಿಂಚಾಗಿ ನೀನು ಬಂದು ಆಲಂಗಿಸಿದೆ ನನ್ನನ್ನು
ನಿಂತು ಹೋದ ಈ ಹೃದಯಕೆ ಬಡಿತ ನೀನಾದೆ
ಕರಗಿ ಹೋದ ಭಾವಗಳಿಗೆ ಜೀವ ತುಂಬಿದೆ

ಯಾವ ಜನ್ಮದ ಬಂಧನವೊ ಅರಿಯದಾದೆನೆ
ನಿನ್ನ ಉಸಿರಲಿ ನಾ ಉಸಿರಾಗಿ ಬೆರೆತು ಹೋದೆನೆ
ನಿನ್ನ ಬಿಟ್ಟು ಒಂದು ಕ್ಷಣವೂ ಹೇಗೆ ಇರಲಿ
ಹರಿಯದಿರು ನೀರಾಗಿ ನನ್ನ ಕಣ್ಣಲ್ಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ನೀನು ನನ್ನವಳೆಂಬ ಭಾವನೆ

ಸೆರೆಯಾದೆನಲ್ಲೆ ನಿನ್ನ ಮೋಹದ ಕಾರಾಗೃಹದಲಿ
ಬಂದಿಯಾದೆನಲ್ಲೆ ನಿನ್ನ ಬೆಚ್ಚನೆ ಅಪ್ಪುಗೆಯಲಿ
ಮರೆತೆನಲ್ಲೆ ನಿನ್ನ ಪ್ರೀತಿಯ ಆಸರೆಯಲಿ
ಹಾಡಿತಲ್ಲೆ ಮನವು ಮಮತೆಯ ರಾಗದಲಿ

ಏನೊಂದು ನಶೆಯೊ ಕಂಡಾಗ ನಿನ್ನ ಕಣ್ಣಲಿ
ಉದಯಿಸಿದೆ ಆಸೆ ಬಂದಾಗ ನನ್ನ ಬಾಳಲಿ
ನಸುನಗುತ ನೀನಿರೆ ಈ ಲೋಕವೆ ಸ್ವರ್ಗವೊ
ಅಳಬೇಡ ಎಂದೆಂದೂ ಆ ದಿನದಿ ನನ್ನ ಅಂತ್ಯವೊ

ಕಾಡುತಿದೆ ನನಗೆ ನಿನ್ನ ಯೋಚನೆ
ಬಡಿದಿದೆ ಹೃದಯ ನೆನೆದಾಗ ನಿನ್ನನೆ
ಮನದಿ ಹುಟ್ಟಿದೆ ಹುಚ್ಚು ಚಿಂತನೆ
ನೀನು ನನ್ನವಳು ಎಂಬ ಭಾವನೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ನಾ ಹೇಗೆ ತಿಳಿಯಲಿ

ಹನಿ ಹನಿ ಮಳೆ ಹನಿ
ಉದುರಿದೆ ಆಗಸದಿಂದ
ಹನಿ ಹನಿ ನೀರ ಹನಿ
ಮೂಡಿದೆ ಕಣ್ಣಿನಿಂದ

ಕಾಣದು ಗೆಳತಿ ಈ ಕಣ್ಣೀರು
ಬೆರೆಯಿತು ಮಳೆ ನೀರಲಿ
ವೇದನೆ ಎದೆಯ ನೀ ಅರಿಯದಾದೆ
ಅಳುತಿಹೆ ವಿರಹದ ಬೇಗೆಯಲಿ

ಯಾರಿಗೆ ಹೇಳಲಿ ನನ್ನಯ ಪಾಡು
ಹೃದಯವೆ ನಿಂತಿತಲ್ಲೆ
ನಿನ್ನಯ ನೆನಪಲಿ ನನ್ನ ಮರೆತೆ
ಉಸಿರಲೆ ಬೆರೆತೆಯಲ್ಲೆ

ನಯನದಿ ನಿದಿರೆಯ ಕದ್ದೆಯಲ್ಲೆ
ನಾ ಹೇಗೆ ಕಾಣಲಿ ಕನಸಾ
ಹೃದಯವ ತಟ್ಟಿ ಹೋದೆಯಲ್ಲೆ
ನಾ ಹೇಗೆ ತಿಳಿಯಲಿ ನಿನ್ನ ಮನಸಾ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಹೊಸ ಉಸಿರು

ಸುಮವೇನು ನೀನು ನನ್ನ ಬಯಕೆ ಬಳ್ಳಿಯ
ಚಿತ್ತಾರವೇನು ನೀನು ನನ್ನ ಕನಸ ನೆಲೆಯ
ಮೂಡಿದೆ ಬಿಂಬ ನನ್ನ ಹೃದಯ ಗೂಡಲ್ಲಿ
ಕೂಗಿದೆ ಉಸಿರು ನಿನ್ನ ಪ್ರೀತಿ ಹೆಸರಲಿ

ಒಲವೆ ನಿನ್ನ ಕಂಡಾಗ ಯಾಕಿಂತ ಹಂಬಲ
ನಿನ್ನ ಕಣ್ಣ ನೋಟದಿ ಮನಸಾಯಿತು ಮರುಳ
ನನ್ನ ಬಾಳ ಚುಕ್ಕಿಗೆ ರಂಗು ತುಂಬಿ
ಹಾಕು ನೀ ರಂಗೋಲಿ
ವರ್ಣವಿಲ್ಲದ ಈ ಬಾಳಿಗೆ ರಂಗು ಚೆಲ್ಲಿ
ಆಡು ನೀ ಬಣ್ಣದ ಹೋಳಿ

ಬದುಕುವ ಆಸೆ ಹುಟ್ಟಿಸಿದೆ ಮನದಲಿ
ಶೃಂಗಾರ ಕಾವ್ಯ ನನ್ನ ಬಾಳ ಕವಿತೆಯಲಿ
ಬತ್ತಿ ಹೋದ ನಯನಗಳಿಗೆ
ನೀ ತುಂಬು ಪ್ರೀತಿಯ ಪನ್ನೀರು
ಬಾಡಿ ಹೋದ ಬಳ್ಳಿಗೆ ನೀರೆರೆದು
ನೀ ಕೊಡು ಹೊಸ ಉಸಿರು

ರಚನೆ: ಶಶಿಕುಮಾರ್ ವಿ. ಕುಲಾಲ್   

ಧರೆಯು ಕುಣಿದಿದೆ

ಧರೆಯು ಕುಣಿದಿದೆ
ಹಚ್ಚನೆ ಹಸಿರಲಿ
ವರುಣನ ಜೊತೆಯಲಿ
ಮುತ್ತಿನ ಹನಿಯಲಿ
ಶೃತಿಲಯವ ಬೆರೆತು ನಲಿದಿದೆ

ನದಿಯ ಜುಳುಜುಳು
ನಾದದ ಜೊತೆಗೆ
ಕಡಲ ಅಬ್ಬರದ
ತೆರೆಗಳ ಜೊತೆಗೆ
ಹಾಡುವ ಚಿಲಿಪಿಲಿ
ಹಕ್ಕಿಗಳ ಕಲರವದ ಜೊತೆಗೆ
ಧರೆಯು ಕುಣಿದಿದೆ

ಬೀಸುವ ತಂಪಾದ
ಗಾಳಿಯ ಜೊತೆಗೆ
ಚಿಗುರುವ ಮರಗಳ
ಮೊಗ್ಗಿನ ಜೊತೆಗೆ
ಅರಳುವ ಸುಮಗಳ
ಪರಿಮಳದ ಜೊತೆಗೆ
ಧರೆಯು ಕುಣಿದಿದೆ

ಮಿಂಚಿನ ಜಗಮಗ
ಬೆಳಕಿನ ಜೊತೆಗೆ
ಕಾಮನ ಬಿಲ್ಲಿನ
ರಂಗಿನ ಜೊತೆಗೆ
ಸುರಿಯುವ ಮಳೆನೀರ
ತಂಪಿನ ಜೊತೆಗೆ
ಧರೆಯು ಕುಣಿದಿದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ನೂರಾಸೆ ಮನದಲ್ಲಿ

ನೂರಾಸೆ ಮನದಲ್ಲಿ ಚೆಲುವೆ ನಿನ್ನ ಕಂಡಾಗ
ಶಿಲೆಯಂತೆ ಎದೆಯಲ್ಲಿ ನೀ ಬಂದು ನಿಂತಾಗ
ನಿಲ್ಲುವೆ ನಾ ಜಗಮೆಟ್ಟಿ ನೀ ಬಂದರೆ ಜೊತೆಯಾಗಿ
ನೀಡುವೆ ಹೃದಯವ ಪ್ರೀತಿಯ ಉಡುಗೊರೆಯಾಗಿ

ನೀ ಬಂದೆ ಬಾಳಲ್ಲಿ ಸುಖದ ಮಧುವನ್ನು ಕೂಡಿ
ಲತೆಯಂತೆ ಬಳುಕುತ್ತಾ ನೀ ಮಾಡಿದೆ ಮೋಡಿ
ದೂರಾಗದಿರು ನನ್ನಿಂದ ಬಾಳೋಣ ಕೂಡಿ
ಹೊಸಬೆಳಕು ಮೂಡುತಿದೆ ನಿನ್ನನ್ನು ನೋಡಿ

ನಾನಿರುವೆ ನೆರಳಾಗಿ ಉರಿಬಿಸಿಲಿನಲ್ಲಿ
ನಾನಿರುವೆ ಆಸರೆಯಾಗಿ ಜಡಿಮಳೆಯಲ್ಲಿ
ಪೋಷಿಸುವೆ ನಿನ್ನನ್ನು ಪ್ರೇಮ ಶರದಿಯಲ್ಲಿ
ಸಾಗುವ ಜೊತೆಯಾಗಿ ಬಾಳರಥದಲ್ಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್   

ನೆನಪು

ಸುರಿವ ಮಳೆಹನಿಯಲಿ ನಿನ್ನದೆ ನೆನಪು
ನಿನ್ನ ಪ್ರೀತಿಯಲಿ ಕಳೆದ ಆ ನೆನಪು

ನಿನ್ನ ನೋಟದಿ ಅದೇನೋ ಮಿಂಚು
ಸನಿಹ ಬಂದು
ತೋಳಲ್ಲಿ ಸೆಳೆದ ನೆನಪು

ಹರಿಯಲು ಉಕ್ಕಿ ಪ್ರೀತಿ ಮನದಲಿ
ಗುಲಾಬಿ ಕೆನ್ನೆಗೆ
ನೀಡಿದ ಚುಂಬನದ ನೆನಪು

ಜಗವ ಮರೆತು ನಾವು ಬೆರೆತಾಗ
ನೀನು ನುಡಿದ
ಮಮತೆಯ ಮಾತುಗಳ ನೆನಪು

ತುಂಬಿದೆ ಉಲ್ಲಾಸ ಹೊಸ ಬಯಕೆ
ನನ್ನ ಬದುಕಲಿ
ನೀ ತೋರಿದ ಹೊಸಲೋಕದಾ ನೆನಪು

ಕೈಯ ಹಿಡಿದು ಹೆಜ್ಜೆ ಜೊತೆಯಾಗಿ
ನಾವು ನಡೆದಾಗ
ಅನುರಾಗದ ಆನಂದದ ನೆನಪು

ಬೀಸಲು ತಂಗಾಳಿ ನನ್ನ ನೀನು
ತಬ್ಬಿ ಹಿಡಿದಾಗ
ಉಸಿರು ಬಿಸಿಯಾದ ನೆನಪು

ಕೆಂದುಟಿಯಲಿ ನಗೆಯೊಂದು ಚೆಲ್ಲಿ
ಕಿವಿಯಲಿ ಪಿಸುರಿದ
ಮುತ್ತಿನ ನುಡಿಗಳ ನೆನಪು

ರಚನೆ: ಶಶಿಕುಮಾರ್ ವಿ. ಕುಲಾಲ್   

ನಗುತಿರೆ (haste raho)

ನಗುತಿರೆ ನಗುತಿರೆ ನಗುತಿರೆ
ನೀ ಬಾಳಲ್ಲಿ ಸದಾ

ನೀ ನಗಲು ಕೆನ್ನೆ ಗುಳಿಯು
ಎಷ್ಟು ಅಂದವೇ
ನಾನು ಮರೆತೆನು ಜಗವನು
ಅಂತ ಚಂದವೇ

ಹೊಳೆದಿದೆ ಮಿಂಚಿನಾ ಹೊಳಪೆ
ನಿನ್ನ ದಂತಗಳಲಿ
ಅರಳಿತು ಹೂಬನ ನಗಲು ನೀ
ಕಂಗಳ ಕಾಂತಿಯಲಿ

ನಿನ್ನ ನುಡಿಯಲಿ ಉದುರಿದೆ
ಮುತ್ತುಗಳ ಮಳೆಯೋ
ಕಿಲಕಿಲನೆ ನೀ ನಗಲು
ಚೆಲ್ಲಿದೆ ಮಲ್ಲಿಗೆಯೋ

ರಚನೆ: ಶಶಿಕುಮಾರ್ ವಿ. ಕುಲಾಲ್   

haste raho haste raho haste raho 
har pal jeevan me

tum hase to gaal 
kitna khoob ho
bhul gaya me jag ko
kitna khoob ho

chamakte bijili ke jaise
tere daanth ho
kilgaye phool bagiche me
tere ankhon ke roshni me

tera baton se gire
motiyonka barsaat ho
tere muskurahat pe
gire gajre bi

Written by: Shashikumar V. Kulal

ಪ್ರೀತಿಯೆಂಬ ಬೆಂಕಿಯಲಿ (pyaar ke aag me)

ಏಕೆ ನನ್ನ ಸುಡುವೆ ಪ್ರೀತಿಯೆಂಬ ಬೆಂಕಿಯಲಿ
ಏಕೆ ನನ್ನ ಕಾಡುವೆ ಕನಸೆಂಬ ಭ್ರಮೆಯಲಿ
ಹೇಳಲಾರೆಯ ನೀನು
ಮನಸ್ಸೇ ಮನಸ್ಸೇ ಮನಸ್ಸೇ
ಮನಸ್ಸೇ ಮನಸ್ಸೇ ಮನಸ್ಸೇ

ಆ ಸೂರ್ಯಚಂದ್ರನಾಣೆ ನಾ ನಿನ್ನ ಪ್ರೀತಿಸಿದೆ
ತಾರೆಗಳ ಲೋಕದಲಿ ಈ ಶಶಿಯು ಕಾಣದೆ
ಸುಮವಾಗಿ ನೀನು ಪ್ರೀತಿಯ ಮಕರಂದ ತೋರಿದೆ
ದುಂಬಿಯಾಗಿ ನಾ ಬರಲು ನೀ ಮುದುಡಿ ಹೋದೆ

ನೀ ಬಂದೆ ಉಸಿರಾಗಿ ಚೈತನ್ಯ ತುಂಬಿದೆ
ಈ ದೇಹ ನಿರ್ಜೀವ ನೀ ನನ್ನ ತೊರೆದರೆ
ಹೃದಯದಿ ಹೊಕ್ಕಿ ನೀ ವೀಣೆ ಮಿಡಿದೆ
ಎದೆ ಸ್ತಬ್ದವಾಗುವುದು ಸ್ವರ ಕೇಳದಾದರೆ

ರಚನೆ: ಶಶಿಕುಮಾರ್ ವಿ. ಕುಲಾಲ್    

(Hindi Translation)
kyu jala rahe ho pyaar ke aag me
kyu satha rahe ho spno ke aaD me
bolona tum 
mere mann mere mann mere mann 
mere mann mere mann mere mann 

uss chand suraj ke kasam maine tumko pyaar kiya
sitaron ke mehefil me iss chaand dikha nahi kya
phool banke tumne pyar ke parag dikha diya 
bhramar banke paas aya to tum kaha chup liya

tum aye sanso me utsah bardiya
tum chale gaye to sanse band ho jaye ga
mann me bas ke tumne veena baja diya 
hruday tam jayega jab raag suna na diya 

Written by: Shashikumar V. Kulal

ತುಂತುರು ಮಳೆಹನಿಯಲಿ (rim jim barsaat me)

ತುಂತುರು ಮಳೆ ಹನಿಯಲಿ                        
ನಾನು ನೀನು ಜೊತೆಯಲಿ                        
ಸೇರಿ ನಡೆಯಲು ಸಾಗರ ಕಿನಾರೆಯಲಿ          
ಸುಮಧುರ ಸಂಜೆಯ ಹೊತ್ತಿನಲಿ                  

ಬೆಸೆಯಿತು ಭಾಂಧವ್ಯ ಮಾತಿನಲಿ              
ಮೇಘಗಳ ಮಿಲನದ ಜೊತೆಯಲಿ                
ಮೂಡಿತು ಕನಸುಗಳು ಕಂಗಳಲಿ                
ಮಿಂಚಿನ ಫಲಫಲಿಸುವ ಪ್ರಕಾಶದಲಿ            

ಒಂದಾಯಿತು ಹೃದಯಗಳು ಪ್ರೀತಿಯಲಿ              
ಹಾಡಿತು ಪ್ರೇಮರಾಗ ಮನಸಿನಲಿ                    
ಪುಟಿಯಿತು ಆಸೆಗಳು ಅಲೆಗಳ ಜೊತೆಯಲಿ        
ಬೆರೆಯಿತು ಮನಗಳು ಭವಿಷ್ಯದ ಯೋಜನೆಯಲಿ  

ರಚನೆ: ಶಶಿಕುಮಾರ್ ವಿ. ಕುಲಾಲ್                   

(Hindi Translation)
rim jim barsaat me
hum tum saath me
saath chale saagar kinaare me
khoobsurath shaam ke samay me

juDjaye rishta baatho me
baadal ke milan ke saath me
chagaye sapne aankhon me
bijli ke chamakte ujale me

ek huve do dil pyaar me
jab gaaye pyaar ke geeth dil me
utgaye aashaye leheronke saath me
juDgaye dil bhavisya ke yojana me

Written by: Shashikumar V. Kulal

ಏನೆಂದು ಹೊಗಳಲಿ (kaise gungaan karu tera)

ರವಿವರ್ಮ ಬರೆದ ಒಂದು ಸುಂದರ ಚಿತ್ರಣವೇ ನೀ
ಕಾಳಿದಾಸ ಕಲ್ಪನೆಯ ಶಕುಂತಲಳ ಪ್ರತಿಬಿಂಬವೇ ನೀ
ಜಕಣಾಚಾರಿ ಕೆತ್ತಿದ ಅಪರೂಪ ಶಿಲ್ಪವೇ ನೀ
ಏನೆಂದು ಹೊಗಳಲಿ ಹೆಣ್ಣೆ ನಿನ್ನ ಅಂದವ
ಚೆಲುವೆ ನಿನ್ನ ಅಂದವ

ಚಂದಿರನ ಬೆಳಕಂತೆ ಹೊಳೆಯುತಿರ ನಿನ ಮೊಗವೆ
ಕಂಗಳ ಕಾಂತಿಯಿಂದ ಬೆಳಗಿತೆ ಈ ಜಗವೆ
ಮೇನಕೆಯು ನಾಚುವಂತ ಬಳುಕುತಿಹ ನಿನ ನಡುವು
ಇಟ್ಟಾಗ ಹೆಜ್ಜೆ ನೀನು ಅರಳಿತು ಹೂದೋಟದ ಹೂವು

ಹರಿಯುತಿರ ಝರಿಗಳಲಿ ನಿನ್ನ ಹೆಸರೆ ಕೇಳಿತೆ
ತಂಪಾದ ತಂಗಾಳಿಯು ನಿನ್ನನೆ ಕೂಗಿತೆ
ನೀ ಸನಿಹ ಬರುತಿರೆ ನನ್ನ ನಾ ಮೌನಿಯಾದನೆ
ನಿನ್ನ ಅಂದ ಸವಿಯುತ ನಾ ಪ್ರೇಮ ಸಾಗರದಿ ತೇಲಿದೆನೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

(Hindi Translation)
ravivarma likha ek sundar art ho tum
kaalidaas ke soch ke shakuntala ke humsakal ho tum
jakanaachari banaya beheterin shilp ho tum
kaise tere khoobsurati ka gungaan karu.. ladki
kaise tere husn ko

chand ke roshnisa khilta tera chehera
aankhonka roshni se iss darti huve ujale 
menka bhi sharmaye aisa tera kamariya
tum jab chalte ho to bhagiche ke phool bhi kilgaye 

behete nadiyon me tera hi naam sun raha he
tandi hawaye bhi tuje pukharrahe he
tum paas aaye mera to me chup hogaya
tera khoobsurati se me pyaar ke saagar me kho gaya

Written by: Shashikumar V. Kulal

ನುಡಿಸುತಿರುವೆ ವೀಣೆ ಏನು (baja raheho kya veena)

ನುಡಿಸುತಿರುವೆ ವೀಣೆ ಏನು
ನನ್ನಯ ಎದೆಯೊಳಗೆ
ತುಂಬಿದೆ ಪರಿಮಳ ಏನು
ನನ್ನಯ ಉಸಿರೊಳಗೆ

ಕಣ್ಣು ಮುಚ್ಚಿ ನೆನೆಯಲು ನಿನ್ನ ಆಲಿಸಿದೆ ಇಂಚರವ
ಬಿಸಿಯುಸಿರಲಿ ನೀ ತುಂಬಿದೆ ಮಲ್ಲಿಗೆ ಪರಿಮಳವ
ನನ್ನೊಲವೆ ಬರೆದೆ ನೀನು ಕವಿತೆಯೊಂದು ಎದೆಯೊಳಗೆ
ಹುಟ್ಟಿಸಿದೆ ಬಯಕೆ ನೀನು ಬದುಕಿನ ಕತೆಯೊಳಗೆ

ಚಿನ್ನ ನಿನ್ನ ಕಣ್ಣಂಚಿನಲಿ ಮಿಂಚೊಂದು ಹೊಳೆದಿದೆ
ಕಣ್ಣೋಟ ನಮ್ಮ ಬೆರೆಯಲು ಪ್ರೀತಿ ಉಕ್ಕಿ ಹರಿದಿದೆ
ವರವಾಯಿತೆ ನಿನ್ನ ನಗುವು ಸೇರಲು ಕಾತರಿಸಿದೆ
ಕೈ ಹಿಡಿದು ಜೊತೆ ಹಾಡಿ ಕುಣಿಯಲು ಮನಸಾಗಿದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

(Hindi Translation)
baja raheho kya veena
mere dil me
bardiya kya kushboo
mere saason me

ankhen band karo to sun raha tera gaana
saans levo to mehesus kiya tera kushboo
mera pyaar tumne likh diya kavitaaye mere dil me
jagadiya sapne mere jeevan ke kahani me

priye tere ankhon me halkasa bijli dikh gaya
ankhen hamari juDgaye to pyaar jag gaya 
haseto tum icchaa puri hogaya milne taras gaya
haath pakaDke saath gaane ko jee chahata hai

Written by: Shashikumar V. Kulal

ಅಳಬೇಡವೆ ಗೆಳತಿ (mat rona dost )

ಅಳಬೇಡವೆ ಗೆಳತಿ ಅಳಬೇಡವೆ
ನನಗಾಗಿ ನೀನು ಅಳಬೇಡವೆ
ಆ ಬ್ರಹ್ಮ ನಮ್ಮನು ಒಂದಾಗಿಸಿಲ್ಲ
ಯಾಕಾಯ್ತು ಹೀಗೆಂದು ಅಳಬೇಡವೆ

ನನ್ನ ಮನ ಅತ್ತು ಕರೆದು ಬಡವಾಗಿದೆ
ನಿನ್ನ ನಾ ಹೇಗೆ ಸಂತೈಸಲಿ
ಅಳಬೇಡವೆ ಗೆಳತಿ ಅಳಬೇಡವೆ
ನನಗಾಗಿ ನೀನು ಅಳಬೇಡವೆ

ಯಾವ ಜನ್ಮದ ಬಂಧನವೊ ನಿನ್ನ ಕಂಡೆನು
ಪ್ರೀತಿ ಉಕ್ಕಿ ಬರಲು ನಿನ್ನ ಸೇರದಾದೆನು
ಯಾಕಾಗಿ ಈ ಶಿಕ್ಷೆ ನಾನು ಅರಿಯೆನು
ಮರುಜನ್ಮ ಇದ್ದರೆ ನಿನ್ನ ನಾ ಸೇರುವೆನು

ಮನಸು ನನ್ನ ನಿನಗಾಗಿ ತುಡಿಯುತಿದೆ
ಕಣ್ಣು ನಿನ್ನ ನೋಡಲು ಕನಸು ಕಂಡಿದೆ
ನಿನ್ನ ಕಂಗಳಲಿ ಹರಿವ ನೀರು ನಾನಾದೆನೆ
ನನ್ನ ದೇಹದಿ ಉಸಿರಲ್ಲಿ ನಿನ್ನ ಕಂಡೆನೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

(Hindi Translation)
mat rona dost mat rona
mereliya tum mat rona
us brahm ne hame saath nahi kiya
kishliye soch ke mat rona

mera dil ro ro ke tamgaya
tuje me kaise samjavu
mat rona dost mat rona
mereliya tum mat rona

kiss janam ka bandan hai nahi me janta
pyaar dil me jaga to me tuje mil nahi paya
kisliye ye shiksha me nahi janta
dusra janm ho to tuje me juDunga

dil tuje milne taras raha he
ankhen tuje dekhne sapna dekha he
tere ankhon se beheta paani me hu
mere jaan ke chale saanso me tuje paa liya

Written by: Shashikumar V. Kulal

ನಿನ್ನಯ ಒಲುಮೆಗೆ (tumari pyaar me)

ನಿನ್ನಯ ಒಲುಮೆಗೆ ಪ್ರೀತಿಯ ಚಿಲುಮೆಗೆ
ಯಾಕೆ ವಶವಾದೆ
ಮನಸ್ಸು ಮನಸ್ಸು ಬೆರೆತು ಸೇರಲು
ಜಗವ ಮರೆತೋದೆ

ಈ ದೇಹ ನಶ್ವರ ಪ್ರೀತಿ ಶಾಶ್ವತ
ಈ ದೇಹ ನಶ್ವರ ಪ್ರೀತಿ ಶಾಶ್ವತ
ಎಂದೆಂದೂ ಹೀಗೆ ನಲಿವ ನಾವು
ಗೆಳತಿ ಬಾರೆಯಾ

ಯಾರ ಹೆಸರಲಿ ಯಾರ ಹೆಸರನು
ವಿಧಿಯೇ ಬರೆದನು
ನಿನ್ನ ಹೆಸರಲಿ ನನ್ನ ಹೆಸರನು
ಅವನೇ ಬರೆದನೊ

ಹೃದಯದೇಗುಲ ದಲ್ಲಿ ನೆಲೆಸಿ
ಪ್ರೀತಿಸೆ ನನ್ನನು
ನಮ್ಮ ಬಂಧನ ಬ್ರಹ್ಮ ಬರೆದ
ನಂಟು ಸೇರೆನ್ನನು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

(Hindi Translation)
tumari pyaar me pyaar ke chahat me
kyu me kho gaya
do dil mil gaye to 
iss jag ko bhul gaya

badan kshanik hai pyaar shashwat hai
badan kshanik hai pyaar shashwat hai
aisa he hamesa rahenge hum dono 
dost avona

kiska naam pe kiska naam
vidhata ne likh diya
tere naam pe mera naam 
uss ne hi likha hai

dil ke mandir me reheke tum
muje pyaar karo
hamare bandan brahm rachita
rishta aa mil jaaye

Written by: Shashikumar V. Kulal

ಹಗಲು ಗನಸಾಯಿತೆ (din ka sapna hogaya )

ಹಗಲು ಗನಸಾಯಿತೆ ಜೀವನ
           ಬತ್ತಿದ ಕೆರೆಯಾಯಿತೆ
ಹಾದಿ ಮುಳ್ಳಾಯಿತೆ ನಡೆವ
            ಕಣ್ಣು ಮಂಜಾಯಿತೆ

ಒಪ್ಪದಿ ನೈದ ಮಲ್ಲಿಗೆ ಮಾಲೆ ತುಂಡಾಗಿ ಚದುರಿತೆ
ಬಾಳಲಿ ಕಟ್ಟಿದ ಸುಂದರ ಕನಸು ನುಚ್ಚು ನೂರಾಯಿತೆ
ಜೀವನ ಎನ್ನ ಲಗಾಮಿಲ್ಲದ ಕುದುರೆಯಂತಾಯಿತೆ
ಅಂದಕಾರದಿ ಮುಳುಗಿ ಜೀವನ ನರಕವಾಯಿತೆ

ಮನದ ಆಸೆಗಳೆಲ್ಲ ನದಿ ನೀರಲ್ಲಿ ತೇಲಿ ಹೋಯಿತೆ
ಯಾಕಾಗಿ ಈ ಬದುಕು ಭುವಿಯೊಳಗೆ ಸೇರಬಾರದೆ
ಹಗಲು ಗನಸಾಯಿತೆ ಜೀವನ ಬತ್ತಿದ ಕೆರೆಯಾಯಿತೆ
ಹಾದಿ ಮುಳ್ಳಾಯಿತೆ ನಡೆವ ಕಣ್ಣು ಮಂಜಾಯಿತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

(Hindi Translation)
din ka sapna hogaya jeevan
sukha sarovar hogaya
rasta kanto se bhar gaya chalne ka
aankhe mand hogaya

pyaar se banda pushpmaala tutke gir gaya
jeevan me banda hasin sapne sab tut gaya
jeevan mera bina lagam ka ghoda jaise ho gaya
kali jindagi me jeevan narak ho gaya

dil ka sapne nadi pani me beh gaya
kyu ye jindagi maut kyu nahi aa gaya
din ka sapna hogaya jeevan sukha sarovar hogaya
rasta kanto se bhar gaya chalne ka aankhe mand hogaya

Written by: Shashikumar V. Kulal

ಮುಂಗುರುಳು

ಜೀಕುತಿರುವ ನಿನ್ನ ಮುಂಗುರುಳು
ಕೆನ್ನೆ ಸವರಿ ನಿಂತಿದೆ
ಬೆರಳಾಡಿಸಿದಾಗ ನೀ ಅದರಲಿ
ನಾಚಿ ಮೇಲೆ ಪುಟಿದಿದೆ

ತಿರುಹಿದಷ್ಟು ನೀ ಅದನು
ಮತ್ತೆ ಮತ್ತೆ ಛೇಡಿಸಿದೆ
ತಂಗಾಳಿಯಲಿ ಉಯ್ಯಾಲೆಯಾಡಿ
ನಿನ್ನ ಕಂಗಳ ಚುಂಬಿಸಿದೆ

ಬೆರಳು ನಡುವ ಸವರಿದಂತೆ
ನಿನ್ನ ಗಲ್ಲವ ಸವರಿದೆ
ಉಸುರುವಾಗ ಎದೆಯುಬ್ಬಿಸಿ
ಚಂಗನೆ ಹಾರಿ ಕುಣಿದಿದೆ

ಅರ್ಧ ಮುಚ್ಚಿ ನಿನ್ನ ಕಣ್ಣನು
ಕಣ್ಣು ಮುಚ್ಚಾಲೆ ಆಡಿದೆ
ಬೆಳ್ಳಿ ಉಂಗುರದಂತೆ ಮೇಲೆ ಕೆಳಗೆ
ಜಾರುವಾಟ ಆಡಿದೆ

ನಿನ್ನ ನಡುವಿನಂತೆ ಅದು
ಅತ್ತ ಇತ್ತ ಬಳುಕುತಿದೆ
ಭ್ರಮರದಂತೆ ಹಾರಿ ಹಾರಿ
ಹಾಲುಗೆನ್ನೆಯ ಮುತ್ತಿಕ್ಕಿದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನಿನ್ನ ಮುತ್ತಿನಂತ ನುಡಿಯಲಿ

ನಿನ್ನ ಮುತ್ತಿನಂತ ನುಡಿಯಲಿ ಸ್ವರ್ಗ ಕಂಡೆನೆ
ನಿನ್ನ ಮಾತು ಕವಿತೆಯಾಗಿ ಹರಿದು ಬಂದವೆ
ಕಾಮನ ಬಿಲ್ಲಿನ ಅಂದ ಮೊಗದಿ  ಕಂಡೆನೆ
ಕಾಮದೇವನ ಕಣೆಯ ಹರಿತ ಕಣ್ಣೋಟದಿ ಕಂಡೆನೆ

ಚೆಲ್ಲುವೆ ಸೊಗಸನು ನೀ ನಡೆದಾಗ
ಗೆಜ್ಜೆಯ ನಾದದ ಸುಮಧುರ ರಾಗ
ಚೈತ್ರದ ಕೋಗಿಲೆ ಹಾಡಿದ ಹಾಗೆ
ನೀ ನಗಲು ನನಗೆ ಎನಿಸಿತು ಹಾಗೆ

ಗಾಳಿಯು ಬೀಸಲು ಕೇಶ ಹಾರಿದೆ
ಮುಂಗುರುಳ ಹಿಡಿದು ಗಾಳಿ ಓಡಿದೆ
ನಿನ್ನ ಕೇಶರಾಶಿಗೆ ಮರುಳಾದೆನೆ
ಕೆಂದುಟಿಯ ಚೆಲುವಿಗೆ ಬೆರಗಾದೆನೆ

ಹಾಡಿದೆ ಸುವ್ವಾಲೆ ನನ್ನ ಮನದೊಳಗೆ
ಸೇರುವ ಆಸೆ ನಿನ್ನ ಉಸಿರೊಳಗೆ
ಮಾತುಗಳು ಮನಸಿನ ಹಾಡಿಹೊಗಳಲು
ನೀ ಬಾರೆ ನನ್ನ ಸನಿಹ ಸೇರಿ ಬಾಳಲು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಜಾರಿದೆ ಕಂಬನಿ

ಜಾರಿದೆ ಕಂಬನಿ ನಿನ್ನ ನೆನಪಲಿ
ನೀನೆ ತುಂಬಿರುವೆ ನನ್ನ ಉಸಿರಲಿ
ವಿರಹ ವೇದನೆ ನಾನು ತಾಳಲಾರೆನೆ
ಈ ನೋವನು ನಾನು ಸಹಿಸದಾದೆನೆ

ಹೃದಯಬಡಿತ ನಿಂತಂತೆ ಬಾಸವಾಯಿತೆ
ಬದುಕಿನ ದಾರಿ ಕಾಣದಾಯಿತೆ
ಕಣ್ಣುಗಳು ನಿನ್ನರಸಿ ಸ್ತಬ್ದವಾಯಿತೆ
ಮನಸಿನ ಕೂಗು ಕೇಳದಾಯಿತೆ

ಉರಿಬಿಸಿಲ ಬೇಗೆಯಲಿ ಬೆಂದು ಹೋದೆನೆ
ನಿನ್ನ ಕಾಣದಾಗಿ ಸೋತು ಹೋದೆನೆ
ಒಂಟಿಯಾಗಿ ನನ್ನ ಬಿಟ್ಟು ಎಲ್ಲಿ ಹೋದೆಯಾ
ನೀನಿರದೆ ಈ ಬಾಳು ಯಾಕೆ ಹೇಳೆಯಾ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಕಮಲನಯನೆ

ಏನು ಅಂದವೆ ಗೆಳತಿ ನಿನ್ನ ಕಂಗಳು
ಸಿಲುಕಿದೆ ನಿನ್ನ ನೋಟದ ಸುಳಿಯೊಳಗೆ
ಏನು ಅಂದವೆ ಗೆಳತಿ ನಿನ್ನ ಕಂಗಳು
ಸಿಲುಕಿದೆ ನಿನ್ನ ನೋಟದ ಸುಳಿಯೊಳಗೆ

ಮೋಹಿಸೆ ಬಾರೆ ಕಮಲನಯನೆ
ಪ್ರೀತಿಸೆ ಬಾರೆ ಮಂದಗಮನೆ
ಆ ಸೂರ್ಯ ನಿನ್ನ ನೋಟಕೆ ನಾಚಿ ನಿಂತನೆ
ನೋಡುತ ನಿಂತೆ ನಿನ್ನ ನನ್ನ ಮರೆತೆನೆ

ಕಣ್ಣ ರೆಪ್ಪೆ ಎಷ್ಟು ಚಂದ ನವಿಲ ಗರಿಗಳು
ಓರೆ ನೋಟ ಬೀರಿ ನೀನು ನನ್ನ ನೋಡಲು
ಮಿತ್ರೆ ನಿನ್ನ ನೋಡುತಿರೆ ಮನಸು ಸೋತವೆ
ಚಂದಿರನ ಮೊಗದ ಮೇಲೆ ಎರಡು ಪದ್ಮವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪ್ರೀತಿಯ ನಂದನದ

ಪ್ರೀತಿಯ ನಂದನದ ಹೂವಾಗಿ ಬಾರೆ
ಸಂಗೀತ ಸುಧೆಯಲಿ ಮೀಯೋಣ ಬಾರೆ
ಮೋಹದ ಸಿಂಚನ ಸವಿಯೋಣ ಬಾರೆ
ಸ್ವರ್ಗದ ಲೋಕದ ಅಪ್ಸರೆ ಬಾರೆ

ಹಾಡೋಣ ಪ್ರೇಮರಾಗ ಜೊತೆಯಾಗಿ
ಕನಸಿನ ಸೌಧದಿ ಬೆರೆತ್ಹೋಗಿ
ತುಂಬೋಣ ಬಾಳಿಗೆ ಮಧುವನ್ನು
ಸೇರುವ ಜೇನಿನ ಕಡಲನ್ನು

ಹವಳದ ತುಟಿಯನು ಹೀರುವೆ
ಹೊಳೆಯುವ ಕಣ್ಣನು ಚುಂಬಿಸುವೆ
ಪ್ರಣಯದೌತಣವ ನೀಡು ಬಾರೆ
ರಸಲೋಕ ಸಂಚಾರ ಮಾಡೋಣ  ಬಾರೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಮದರಂಗಿ

ಅಂಗೈ ತುಂಬ ಕೆಂಪು ಕೆಂಪು ಚಿತ್ತಾರಗಳು
ಏನು ಚಂದವೆ ಗೆಳತಿ ನಿನ್ನ ಕರಗಳು
ಎಷ್ಟು ಅದೃಷ್ಟ ಮಾಡಿವೆಯೊ ಆ ಮದರಂಗಿ
ನಿನ್ನ ಕೋಮಲ ತ್ವಚೆಯಲಿ ಬೆರೆಯಲು

ಏನು ತುಡಿತವೆ ಎನಗೆ ನಿನ್ನ ಕೈಯ ಚುಂಬಿಸಲು
ಆಸೆಯಾಗಿದೆ ನಿನ್ನ ಕೈಯ ಎನ್ನ ಕೈಯಲಿ ಬೆಸೆಯಲು
ಬೆರಳ ತುಂಬಾ ಪಸರಿದೆ ರಂಗು ರಂಗು ಕವಲುಗಳು
ನೀ ಗೀಚಿದೆ ಎನ್ನ ಹೃದಯದಿ ಸುಂದರ ಚಿತ್ರಗಳು

ನಾನಾಗಬಾರದಿತ್ತೆ ನಿನ್ನ ಕೈಯ ಮದರಂಗಿ
ಮುತ್ತಿಡುತ್ತಿದ್ದೆ ಸದಾ ನನ್ನ ಮನವ ತುಂಬಿ
ಎಂದೆಂದು ಹೀಗೆ ಇರಲಿ ನಿನ್ನ ಬಾಳಲಿ ರಂಗಾಗಿ
ನನ್ನ ಉಸಿರಲಿ ನಿನ್ನ ಉಸಿರನ್ನು ತುಂಬಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಏನು ಬರಹ ಬರೆದೆಯೊ

ಏನು ಬರಹ ಬರೆದೆಯೊ ನನ್ನ ಹಣೆಯಲಿ
ಯಾರ ದೂರಲಿ ಯಾರ ಸೇರಲಿ
ಜೊತೆಯಾಗಿ ಸಾಗುವ ಪಯಣಿಗ
ಯಾರೆಂದು ತಿಳಿಯಲಿ

ಸೂತ್ರದಾರ ನೀನು ಪಾತ್ರದಾರಿ ನಾನು
ಹಿಡಿವ ಕುಣಿಕೆ ಹಿಡಿದು ನನ್ನ
ಕುಣಿಸುತಿರುವೆ ಏನು

ಅರಳಿದ ಪ್ರೀತಿ ಕಥೆಗೆ
ಎದುರು ನಿಂತಿತೆ ಜಗವು
ಜೋಡಿ ಹಕ್ಕಿಯಂತೆ
ಹಾರಲು ಬಿಡುವರೇನು

ಅಂತರಾಳದ ಭಾವನೆ
ಯಾರು ಬಲ್ಲರು
ಒಂದಾಗೊ ಜೀವಗಳನ್ನು
ದೂರ ಮಾಡುವರೇನು

ನೋವು ನಲಿವು ಎಲ್ಲಾ ದಿಟವೆ
ಬಾಳ ಪಯಣದಿ
ನೋವಲ್ಲೂ ನಲಿವು ಇದೆ
ತಿಳಿಯದಾದರೇನು

ಕಾಸು ಗೀಸು ಎಂದು ಜನರು
ಬಾಯಿ ಬಿಡುವರೇನು
ಮೂರು ದಿನದ ಈ ಬಾಳಲಿ
ಯಾರು ಅಚಲವೇನು

ಹುಟ್ಟು ಆಕಸ್ಮಿಕ ಸಾವು ನಿಶ್ಚಿತ
ಎಂಬ ಮಾತ ತಿಳಿಯದಾದರೇನು
ಬಂದು ಹೋಗೊ ನಡುವೆ ಬೆರೆತು
ಬಾಳು ನಡೆಸಲೇನು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಮುಗಿಲು ಕೆಂಪಾಯಿತು

ಮುಗಿಲು ಕೆಂಪಾಯಿತು ಪ್ರೀತಿ ಅರಳಿತು
ಪ್ರಣಯದಿ ತೇಲಿತು  ಅನುರಾಗ ಮೂಡಿತು
ತನುಮನ ಒಂದಾಯಿತು ಕನಸು ನನಸಾಯಿತು
ಮನಸು ಹಾಡಿತು ಸರಸ ಸುರುವಾಯಿತು

ಹಕ್ಕಿಯಂತೆ ಹಾರಿ ಹಾರಿ ಗಗನದಲಿ ತೇಲಿತು
ಬೆರೆತಾಗ ನಾನು ನೀನು ಈ ಜಗವೇ ನಾಚಿತು
ಕಂಡಾಗ ಕೆನ್ನೆ ನಿನ್ನ ಕೆಂಪಾಗಿ ಹೋಯಿತು
ಮೂಡಣದ ರವಿತೇಜದ ರಶ್ಮಿಯಂತಾಯಿತು

ಈ ಧರೆಯು ನಾಕದಂತೆ ನಮಗಿಂದು ಕಂಡಿತು
ಪ್ರೀತಿಸಿ ಸೇರಲು ಆಸೆಯು ಚಿಮ್ಮಿತು
ಮನಸುಗಳು ಬೆರೆತಾಗ ಅದೇನೋ ಸುಖವೋ ಕಾಣೆ
ಏಳೇಳು ಜನುಮವು ಒಂದಾಗಿರುವ ಓ ಜಾಣೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೆನಪುಗಳ ಯಾತ್ರೆ

ಸಾಗುತಿದೆ ನೆನಪುಗಳ
ಯಾತ್ರೆ ಮನದಲಿ
ಹರಿಯಿತು ಕಣ್ಣೀರು
ನೆನೆದು ಕಂಗಳಲಿ

ಎಷ್ಟೊಂದು ಮಧುರ
ಎಷ್ಟೊಂದು ಸೊಗಸು
ಎಷ್ಟೊಂದು ಸುಂದರ
ಯಾಕಯಿತೀಗ ನನ್ನ ಬಾಳು
ಖಾಲಿ ಎಲುಬಿನ ಹಂದರ

ಇದ್ದಾರೂ ಎಲ್ಲ ನನ್ನವರೆಂದು
ಯಾರನ್ನು ನಂಬಲಿ
ಇದ್ದಾಗ ಕಾಸು ಕೈಯಲ್ಲಿ ನಿನ್ನ
ಹಾಕುವರು ರತ್ನಗಂಬಳಿ

ಯಾರದು ತಪ್ಪು ಯಾರದು ಒಪ್ಪು
ನಾನೇಕೆ ತಿಳಿಯದಾದೆ
ಯಾರಿಗೆ ಬೇಕು ನರಕದ ಬಾಳು
ಸಾವೇಕೆ ಬರಬಾರದೆ

ಬೀಸುತಿಹ ತಂಗಾಳಿ ಬಿರುಗಾಳಿಯಾಯಿತೆ
ಈ ಬಾಳು ಬರಡಾಯಿತೆ
ನಾ ಕಟ್ಟಿದ ಬಾಳಿನಾ ಸೌಧ
ದೊಪ್ಪೆಂದು ಬಿದ್ದೊಯಿತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಕನಸಿನ ಉಯ್ಯಾಲೆ

ತೇಲುತಿದೆ ಮನಸು
        ಕನಸಿನ ಉಯ್ಯಾಲೆಯಲಿ
ಸುಮಧುರ ಸೊಗಸು
        ನನ್ನವಳ ಜೊತೆಯಲಿ

ಬರೆದಿಹ ಬ್ರಹ್ಮ ಸೇರಿಸಿ ನಮ್ಮನು
ಯಾತಕೆ ಹೆದರುವೆ ಸೇರು ನನ್ನನು
ಬೆದರದಿರು ಈ ಜಗಕೆ ನಂಬು ನನ್ನನು
ಮೋಹಿಸಿ ನೀ ಬಾ ಕೈಬಿಡೆನು ನಿನ್ನನು

ಬಾಳುವ ಜೊತೆಯಾಗಿ ಪ್ರೀತಿಯ ಅರಮನೆಯಲಿ
ತೂಗುವೆ ನಿನ್ನನು ನನ್ನೆದೆಯ ಜೋಕಾಲಿಯಲಿ
ಬಾಳಿನ ತೇರಲಿ ಸಾಗುವ ಜೊತೆಯಲಿ
ಹಾಸುವೆ ಪ್ರೀತಿಯ ಕಂಬಳಿ ನೀನಡೆವ ಹಾದಿಯಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಲಾಸ್ಯ

ಪುಟ್ಟ ಪುಟ್ಟ ಕಂಗಳಲಿ
         ಮನವ ಸೆಳೆವ ಈ ಬಾಲೆ
ಮುದ್ದು ಮುದ್ದು ಮುಖದಲಿ
         ಮನೆಯ ದೀಪ ಈ ಬಾಲೆ

ನುಡಿಯು ಅವಳ ಮುತ್ತಿನಂತೆ
ಅವಳು ಅತ್ತರೆ ಗಾನ ಸುಧೆಯೊ
ನಡಕೆ ಅವಳ ನಾಟ್ಯದಂತೆ
ನಗುವು ಅವಳ ಇಂಚರವೊ

ತಾಯ ಮಡಿಲ ಪ್ರೇಮ ಸುಧೆಯೊ
ಮನೆಯ ನಂದಾ ದೀಪವೊ
ಹೆಸರು ಅವಳ ಲಾಸ್ಯವೊ
ಹೆಸರಿನಂತೆ ಸುಮಧುರವೊ

ಅವಳ ಮಾತಲಿ ಜಗವ ಮರೆತೆ
ಯಾವ ಜನ್ಮದ ಬಂಧನವೊ
ಅಪ್ಪಿ ಮುದ್ದು ಮಾಡಲು ಅವಳ
ಸ್ವರ್ಗ ಧರೆಗೆ ಇಳಿದಿದೆಯೊ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೀ ಎಲ್ಲಿ ಮರೆಯಾದೆ

ಬಾಳಿನ ಕಡತಕೆ ರಂಗನು ಚೆಲ್ಲಿ
ಎಲ್ಲಿ ಮರೆಯಾದೆ ..... ನೆನಪ ಸುಳಿಯಾದೆ
              ಗೆಳತಿ ..... ಯಾಕೆ ಹೀಗಾದೆ
ದುಗುಡವ ಮರೆಸಿ ಹುರುಪನು ತುಂಬಿ
ಎಲ್ಲಿ ನೀ ಹೋದೆ .... ಈ ನೋವು ತಾಳೆನೇ
              ಗೆಳತಿ .... ದುಃಖವಾ ಸಹಿಸೆನೇ

ನನ್ನಯ ಕಂಗಳಲಿ ಕನಸನು ತುಂಬಿ
ಬದುಕುವ ಆಸೆ ನೀ ತೋರಿಸಿದೆ
ಬಾಳಿನ ಪುಟದಲಿ ಹೊಸ ಅಧ್ಯಾಯ ಬರೆದು
ಅರ್ದದಿ ನಿಲ್ಲಿಸಿದೆ ..... ಎಲ್ಲಿ ಮರೆಯಾದೆ

ನಿಸ್ತೇಜವಾದ ಮೊಗದಲಿ ಹರುಷವ ತುಂಬಿದೆ
ಅಂತರಾಳದಿ ಬಯಕೆಯ ಚಿಗುರು ತುಂಬಿದೆ
ನವಿರಾಗಿ ಚಿಗುರಿದ ಆಸೆಯ ಮೊಳಕೆಯ
ಚಿವುಟಿ ಯಾಕೆ ಹೋದೆ .... ಎಲ್ಲಿ ಮರೆಯಾದೆ

ಚಿಗರೆಯಂತೆ ಹಾರುತಾ ಮನದೊಳಗೆ ನುಗ್ಗಿದೆ
ಕನಸಿನಾ ಸೌಧವಾ ಅಲ್ಲಿಯೇ ಕಟ್ಟಿದೆ
ಹಾಡುತಾ ಕುಣಿಯುತಾ ಹೃದಯಾಂಗಳದಿ ಮೆರೆದೆ
ನಮ್ಮಿಲನ ಸನಿಹವಿರುವಾಗ..... ನೀ ಎಲ್ಲಿ ಮರೆಯಾದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪ್ರಶ್ನೆಯಾದೆ ನೀನು

ಬೀಸುತಿದೆ ಬಿರುಗಾಳಿ
ಮನಸ್ಸಲ್ಲೇನೋ ತಳಮಳ
ಹರಿಯುತಿದೆ ಕಂಬನಿ ಕಂಗಳಲಿ
ನಿನ್ನ ನೆನಪಿನಲಿ
ಪ್ರಶ್ನೆಯಾದೆ ನೀನು
ನನ್ನ ಬಾಳಲಿ
ಯಾಕೆ ಯಾಕೆ ಯಾಕೆ
ಎಂದರಿಯದಾದೆ ನಾನು

ಉರಿಬಿಸಿಲ ಬೇಗೆಯಲಿ
ಸುಟ್ಟುಹೋದ ಪುಷ್ಪವಾದೆ
ಮರುಭೂಮಿಯ ನೆಲದಲಿ
ಬತ್ತಿಹೋದ ಕೆರೆಯಾದೆ
ನನ್ನಷ್ಟಕ್ಕೆ ನಾನಿದ್ದೆ
ಯಾಕೆ ನೀ ಬಂದೆ
ನನ್ನ ಬಾಳಲಿ
ಯಾಕೆ ಯಾಕೆ ಯಾಕೆ
ಎಂದರಿಯದಾದೆ ನಾನು

ನೀನಾದೆ ಮಿಡಿತ ನೀನಾದೆ ತುಡಿತ
ನನ್ನನ್ನು ಸೆಳೆದು ನೀನಾದೆ ಹೃದಯದಾ ಬಡಿತ
ನೀ ಹೋದೆಯೆಂದರೆ ಬಡಿತವೆ ನಿಂತಂತೆ
ಏನಿದೆ ಹೇಳೇ ಆ ನಂತರ
ಬರೇ ಶೂನ್ಯ ಶೂನ್ಯ ಶೂನ್ಯ
ನಿನಗರಿವಾದಾಗ ನಿಂತಿತಲ್ಲೇ
ಪ್ರಾಣದ ಪಕ್ಷಿ ಹಾರಿತಲ್ಲೆ
ಪ್ರಾಣದ ಪಕ್ಷಿ ಹಾರಿತಲ್ಲೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ತಿಳಿಯದಾದೆನು ನಾ

ತಿಳಿಯದಾದೆನು ನಾ
      ನಿನ್ನ ಹೃದಯವ

ಆಡೊ ಮಾತಿನಲ್ಲಿ ಪ್ರೀತಿಯಿದೆ
ಇರೊ ಸಲುಗೆಯಲ್ಲಿ ಮಮತೆಯಿದೆ
ಕಂಗಳೆರಡು ಬೆರೆಯಲು
ಯಾಕೆ ಹೋಗುವೆ ... ದೂರ
ತಿಳಿಯದಾದೆನಾ

ಮನವ ಬಿಚ್ಚಿ ನನ್ನಲಿ ನೀ ಬೆರೆತು ಹೋದೆ
ಯಾವ ಪರಿವೆಯಿಲ್ಲದೆ ನನ್ನ ಪ್ರೇಮಿಸಿದೆ
ಮನಸುಗಳೆರಡು ಬೆಸೆಯಲು
ಯಾಕೆ ಹೋಗುವೆ ... ದೂರ
ತಿಳಿಯದಾದೆನಾ

ತೇಲಿ ಬಂದೆ ಅಲೆ ಅಲೆಯಾಗಿ ನನ್ನ ಜೀವನದ ಸಾಗರದಿ
ಕೊಟ್ಟೆ ಹರುಷ ಪರಿ ಪರಿಯಾಗಿ ನನ್ನ ಬಾಳ ಪಯಣದಿ
ಒಂದೆ ನೌಕೆ ಸೇರಲು
ಯಾಕೆ ಹೋಗುವೆ ... ದೂರ
ತಿಳಿಯದಾದೆನಾ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಕಮಲವೇನು ಅರಳಿದ ನೀನು

ಕಮಲವೇನು ಅರಳಿದ ನೀನು
              ಉಷೆಯ ಕಿರಣದಿ
ಕವಿತೆಯೇನು ಬರೆದ ನೀನು
             ಕವಿಯ ಭಾವದಿ
ನಿನ್ನ ಅಂದವ ಹೇಗೆ ಹೊಗಳಲಿ
ಪದಗಳೇ ಸಾಲದೆ ..... ಪದಗಳೇ ಸಾಲದೆ .....

ನಡೆಯುತಿರಲು ಶಿಲಾ ಬಾಲಿಕೆಯಂತೆ
ಕುಣಿಯುತಿರಲು ನೀ ನವಿಲಿನಂತೆ
ಹೊಳೆಯುತಿರುವೆ ನಗಲು ನೀನು ಗಗನದಿ ತಾರೆಗಳಂತೆ
ಮರೆತೆನು ನಾ ಹಾಡಲು ನೀನು ಇಂಪಾದ ಕೋಗಿಲೆಯಂತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಮುಂಗಾರು ಮಳೆಯಲಿ

ಮುಂಗಾರು ಮಳೆಯಲಿ ಮಿಂದ ಧರೆಯಂತೆ
ಆಗಿಹೆ ನಾನಿಲ್ಲಿ ....
ನಿನ್ನ ಪ್ರೀತಿಯಲಿ .... ನಿನ್ನ ಪ್ರೀತಿಯಲಿ ....

ಆಟವು ಬೇಡ ಊಟವು ಬೇಡ
ಯಾಕೆ ಹೇಳೆಯಾ ..... ??
ಹೃದಯದ ಬಡಿತ ಕೇಳಲು ಇಲ್ಲ
ಉಸಿರಿಗೆ ಹಿಡಿತ ಇಲ್ಲಿಲ್ಲ
ಮನಸನು ಸೆಳೆಯುವ ಓ ಗುಲಾಬಿಯೆ ಹೇಳೇ ಎಲ್ಲಿರುವೆ
ಗೆಳತಿ .... ಹೇಳೇ ಎಲ್ಲಿರುವೆ

ನಗುವು ಇಲ್ಲ ಅಳುವು ಇಲ್ಲ
ಯಾಕೆ ತಿಳಿಸೆಯಾ .... ??
ನಿನ್ನಯ ರೂಪವ ಸ್ಮರಿಸುತ ಮನದಲಿ
ಮೂಡಿದೆ ಚಿತ್ತಾರ ಕಂಗಳಲಿ
ಹೃದಯದಿ ಮಿನುಗುವ ಮಿನುಗು ತಾರೆ ಹೇಳೇ ಎಲ್ಲಿರುವೆ
ಗೆಳತಿ .... ಹೇಳೇ ಎಲ್ಲಿರುವೆ

ಬೆಳಕು ಇಲ್ಲ ಕತ್ತಲು ಇಲ್ಲ
ಹೀಗೇಕಾದೆ ಹೇಳೆಯಾ .... ??
ಕತ್ತಲು ತುಂಬಿದ ಕಾನನದಲ್ಲಿ
ಬೆಳಕ ನೀನು ಹರಿಸೆಯಾ
ಬಾಳ ಪಯಣದಿ ಬಂದು ಸೇರು ಹೇಳೇ ಎಲ್ಲಿರುವೆ
ಗೆಳತಿ .... ಹೇಳೇ ಎಲ್ಲಿರುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಬೆಳಕಾಯಿತು ಈ ಬಾಳು

ಬೆಳಕಾಯಿತು ಈ ಬಾಳು
ಹಣತೆಯೊಂದು ಹಚ್ಚಿದಂತೆ
ನನಸಾಯಿತು ಈ ಕನಸು
ನೀ ಬಂದು ಸೇರಿದಂತೆ

ನೋಡುವೆನು ನಿನ್ನ ಕಣ್ಣಲ್ಲಿ ಕಣ್ಣಾಗಿ
ಸೇರುವೆನು ಚಿನ್ನ ಉಸಿರಲ್ಲಿ ಉಸಿರಾಗಿ
ಎಂದೆಂದೂ ನೀನಿರು ನನ್ನಲ್ಲಿ
ಬಾಳ ಬೆಳಗೊ ಜ್ಯೋತಿಯಂತೆ

ನೀ ಬಂದು ಸೇರಿದಾಗ ಸವಿಜೇನ ಕಡಲಿನಂತೆ
ನೀ ಆಡುವ ಮಾತುಗಳು ಮಲ್ಲಿಗೆಯ ಹೂವಿನಂತೆ
ನಾವಿರುವ ಎಂದೆಂದೂ ಬಾಳಲ್ಲಿ
ಶೃತಿಲಯದ ಕಾವ್ಯದಂತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನಿನ್ನ ನೋಡಲೆಂದು

ನಿನ್ನ ನೋಡಲೆಂದು ಕಾದಿರುವೆನಿಂದು
    ಬರಲಾರೆಯಾ ಬೇಗ ನನ್ನ ಸೇರಲೆಂದು
ನಿನ್ನ ನೋಡಲೆಂದು ಕಾದಿರುವೆನಿಂದು
    ಬರಲಾರೆಯಾ ಬೇಗ ನನ್ನ ಸೇರಲೆಂದು

ನಿನ್ನ ಬಳಸಿ ತೋಳಲಿ  ಹಾಡುವೆನು ಪ್ರೇಮರಾಗ
    ನಾನು ನೀನು ಸೇರಲು ಅದುವೇ ಅನುರಾಗ
ನಿನ್ನ ಬಳೆಯ ನಾದವೇ ನಮಗೆ ಪ್ರಣಯರಾಗ
    ನಿನ್ನ ಗೆಜ್ಜೆ ಸ್ವರಕೆ ಪಲ್ಲವಿ ಬೆರೆತಾಗ

ಹಸಿರು ಸೀರೆ ದರಿಸಿ ನೀ ಬಂದು ನಿಂತಾಗ
    ಓರೆ ನೋಟದಿ ನನ್ನ ನೀ ಮನವ ಕದ್ದಾಗ
ಅಪ್ಪಿ ಮುದ್ದು ಮಾಡುವೆ ನಿನ್ನ ಮೊಗವ ಕಂಡಾಗ
    ಬಳುಕುವ ನಡು ಹಿಡಿದು ನಿನ್ನ ಬರ ಸೆಳೆದಾಗ

ಕೆಂಪು ಗಲ್ಲ ಹಿಡಿದು ಗೇಲಿ ನಿನ್ನ ಮಾಡುವೆ
   ತುಂಟ ನಗೆ ನಕ್ಕಾಗ ಪ್ರೀತಿ ನಿನ್ನ ಮಾಡುವೆ
ನಾಚಿ ನೀ ನಿಂತಾಗ ಕೆಂದುಟಿಯ ಹೀರುವೆ
   ಹೃದಯ ನಿನ್ನ ಬಡಿದಾಗ ಅದರುಸಿರು ನಾನಾಗುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಒಂಟಿ

ಗೂಡು ಸೇರಲು ಆ ರವಿ
ಸೋಕಿದೆ ಸಂಜೆ ತಂಗಾಳಿ
ನೋಡುತ ನಿಂತಿಹೆ ನಾನಲ್ಲಿ
ಒಂಟಿಯಾಗಿಹ ಬಾಳಲ್ಲಿ

ಯಾಕೀ ಭವಣೆ ಯಾಕೀ ಬಾಳು
ಸೇರಬಾರದೆ ಭುವಿಯೊಳಗೆ
ಯಾಕೀ ಕೋಪ ಯಾಕೀ ತಾಪ
ಲೀನವಾಗಬಾರದೆ ಪಂಚಭೂತದೊಳಗೆ

ಹೇಳೋರು ಇಲ್ಲ ಕೇಳೋರು ಇಲ್ಲ
ಪ್ರೀತಿ ಎಂಬುದೇ ತಿಳಿದಿಲ್ಲ
ನಿದ್ದೆಯೂ ಇಲ್ಲ ಕನಸೂ ಇಲ್ಲ
ನನಗಾವುದರ ಅರಿವಿಲ್ಲ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಅನುರಾಗ ಬೆರೆತಾಗ

ಅನುರಾಗ ಬೆರೆತಾಗ
      ಅದೇನೋ ಹಿತವಿದೆ
ಅನುಬಂಧ ಬೆಸೆತಾಗ
      ಅದೇನೋ ಸೊಗಸಿದೆ

ಹೃದಯವೀಣೆ ಮಿಡಿಯುತಿದೆ ಅದೇಕೋ ನಾ ಕಾಣೆ
ಉಸಿರು ಉಸಿರಲೆ ಹಾಡುತಿದೆ ಕೇಳೇ ನಿನ್ಹಾಣೆ
ತುಡಿಯುತಿದೆ ಭಾವನೆಗಳು ಅದೇಕೋ ನಾ ಕಾಣೆ
ಮೂಡುತಿದೆ ಹೊಂಗನಸು ಕಣ್ಣುಗಳಲಿ ಕೇಳೇ ನಿನ್ಹಾಣೆ

ಅನುರಾಗ ಬೆರೆತಾಗ
      ಅದೇನೋ ಹಿತವಿದೆ
ಅನುಬಂಧ ಬೆಸೆತಾಗ
      ಅದೇನೋ ಸೊಗಸಿದೆ

ಶೃತಿಲಯವು ಸೇರಲು ನೀ ಬಂದೆ ಬಾಳಲಿ
ಪ್ರೇಮಕಾವ್ಯ ಮೂಡಲು ನೀ ಬಂದೆ ಉಸಿರಲಿ
ಮನಸುಗಳು ಸೇರಲು ಈ ಧರೆಯು ಸ್ವರ್ಗವು
ನೀನೆಂದು ನಗುತಿರಲು ಈ ಬಾಳು ಧನ್ಯವು

ಅನುರಾಗ ಬೆರೆತಾಗ
      ಅದೇನೋ ಹಿತವಿದೆ
ಅನುಬಂಧ ಬೆಸೆತಾಗ
      ಅದೇನೋ ಸೊಗಸಿದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೀ ಬಂದೆ ಬಾಳಿಗೆ

ನೀ ಬಂದೆ ಬಾಳಿಗೆ
     ಹೊಸತನವ ತಂದೆ
ಕೊನರದ ಕೊರಡಿಗೆ
     ಚಿಗುರುತನ ತಂದೆ

ನೊಂದು ಹೋದ ಮನಕೆ
     ಹೊಸ ಚೈತನ್ಯವಿತ್ತೆ
ಬೆಂದು ಹೋದ ಜೀವಕೆ
     ಉಲ್ಲಾಸದ ಸೊಬಗನ್ನಿತ್ತೆ

ಪ್ರೀತಿಯಾ ಸಿಂಚನ
     ಉಸಿರಿನಾ ಮಿಲನ
ಜನುಮದಾ ಬಂಧನ
     ನಮ್ಮ ಸಮ್ಮಿಲನ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪ್ರತಿಕ್ಷಣ

ಗಗನದಿ ಆಗಿಹೆ
     ಮೇಘಗಳ ಮಿಲನ
ಸುರಿದಿದೆ ಮಳೆಯು
     ಭುವಿಗೆ ತಂಪನ

ಮೊದಲ ಮಳೆ ಹನಿಗೆ
     ಅದೇನೋ ತಲ್ಲಣ
ನೆನೆದಾಗ ಮಳೆಯಲ್ಲಿ
     ಹೃದಯದಿ ಏನೋ ಕಂಪನ

ಹೊರಟಿದೆ ಮನದಲ್ಲಿ
     ಬಯಕೆಗಳ ದಿಬ್ಬಣ
ಎದೆಯಾಳದಲ್ಲಿ ಮೂಡಿತು
     ನನ್ನವಳ ಚಿತ್ರಣ

ಮೂಕ ವಿಸ್ಮಿತನಾದೆ
    ನಿನ್ನ ಕಂಡಾಗ ಆ ಕ್ಷಣ
ಎಂದೆಂದೂ ಹೀಗೆ ಇರು
    ನನ್ನೊಂದಿಗೆ ನೀನು ಪ್ರತಿಕ್ಷಣ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಯಾರವಳು

ಯಾರವಳು ಬಂದವಳು

      ನನ್ನ ಹೃದಯ ಕದ್ದವಳು 

ಕಣ್ಣಲಿ ಆಸೆ ತುಂಬಿದವಳು 

     ಬದುಕಲಿ ರಂಗು ಚೆಲ್ಲಿದವಳು 

ಪ್ರೀತಿಯ ಭಾಷೆ ಕಲಿಸಿದವಳು 

     ಪದಗಳಿಗೆ ಸ್ವರವ ನೀಡಿದವಳು 

ಕನಸಲಿ ನಿತ್ಯ ಬರುವವಳು 

     ನಗುವಲಿ ಮುತ್ತು ಚೆಲ್ಲುವವಳು 

ಮಾತಲಿ ಮತ್ತು ಬರಿಸುವಳು 

     ಯಾರಾದರೇನು ಅವಳು ನನ್ನವಳು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಕಮಲವು ನೀರಿಗೆ ಚಂದ

ಕಮಲವು ನೀರಿಗೆ ಚಂದ
ತಾರೆಯು ಗಗನಕೆ ಚಂದ
       ನೀ ಬರಲು ನನ್ನ ಸನಿಹ
             ಈ ಬಾಳೆ ಅಂದ ಚಂದ

ಹೂವಿಗೆ ಪರಿಮಳ ಚಂದ
ಮೇಘಕೆ ಮಳೆಯು ಚಂದ
ಹಾಡುವಾ ಕೋಗಿಲೆಗೆ ಇಂಪಾದ ಸ್ವರವೇ ಚಂದ
ಹರಿಯುವಾ ನದಿಗಳಿಗೆ ಜುಳುಜುಳು ನಾದವೆ ಚಂದ
ನೀ ಬಂದು ಸೇರಿದರೆ ಪ್ರೇಮದ ಅರಮನೆ ಚಂದ
ನೀ ಬಂದು ಸೇರಿದರೆ ಪ್ರೇಮದ ಅರಮನೆ ಚಂದ

ಕಮಲವು ನೀರಿಗೆ ಚಂದ
ತಾರೆಯು ಗಗನಕೆ ಚಂದ
       ನೀ ಬರಲು ನನ್ನ ಸನಿಹ
             ಈ ಬಾಳೆ ಅಂದ ಚಂದ

ಮೂಡುವ ಉಷೆಯು ಚಂದ
ಹುಣ್ಣಿಮೆ ಶಶಿಯು ಚಂದ
ಹಚ್ಚನೆ ಹಸಿರಲಿ ಮಿನುಗುವ ಭುವಿಯೆ ಚಂದ
ಮುಂಗಾರು ಮಳೆಯಲ್ಲಿ ನೆನೆಯುವ ಕನಸೆ ಚಂದ
ನನ್ನೆದೆಯ ಗೂಡಲ್ಲಿ ನೆಲೆಸಿದ ನೀನೆ ಚಂದ
ನನ್ನೆದೆಯ ಗೂಡಲ್ಲಿ ನೆಲೆಸಿದ ನೀನೆ ಚಂದ

ಕಮಲವು ನೀರಿಗೆ ಚಂದ
ತಾರೆಯು ಗಗನಕೆ ಚಂದ
       ನೀ ಬರಲು ನನ್ನ ಸನಿಹ
             ಈ ಬಾಳೆ ಅಂದ ಚಂದ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಯಾಕೆ ನೀ ಮಂಕಾಗಿ ಕುಳಿತಿ

ಮಾತನಾಡೆಯಾ ಗೆಳತಿ
                    ಈ ಮನದ ಒಡತಿ
ಯಾಕೆ ನೀ ಮಂಕಾಗಿ ಕುಳಿತಿ ...... ಗೆಳತಿ
ಯಾಕೆ ನೀ ಮಂಕಾಗಿ ಕುಳಿತಿ ......

ನಿನ್ನ ದನಿಯ ಇಂಚರವಾ
ಕಾತರಿಸಿವೆ ಕಿವಿಗಳು ಕೇಳಲು
ಈ ಜೀವ ಕಾದಿದೆ
ನಿನ್ನ ಸನಿಹ ಬರಲು

ಮಾತನಾಡೆಯಾ ಗೆಳತಿ
                    ಈ ಮನದ ಒಡತಿ
ಯಾಕೆ ನೀ ಮಂಕಾಗಿ ಕುಳಿತಿ ...... ಗೆಳತಿ
ಯಾಕೆ ನೀ ಮಂಕಾಗಿ ಕುಳಿತಿ ......

ಚಡಪಡಿಸಿವೆ ನಯನಗಳು
ನಿನ್ನ ಅಂದ ನೋಡಲು
ಉದಯಿಸಿವೆ ಆಸೆಗಳು
ನಿನ್ನ ಸೇರಿ ಬಾಳಲು

ಮಾತನಾಡೆಯಾ ಗೆಳತಿ
                    ಈ ಮನದ ಒಡತಿ
ಯಾಕೆ ನೀ ಮಂಕಾಗಿ ಕುಳಿತಿ ...... ಗೆಳತಿ
ಯಾಕೆ ನೀ ಮಂಕಾಗಿ ಕುಳಿತಿ ......

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೀ ಕವಿತೆಯಾದೆ

ಭಾವಗಳ ಲೋಕದಲಿ ನೀ ಭಾವನೆಯಾದೆ
ಬಾಳಿನ ಪುಟದಲ್ಲಿ ನೀ ಲೇಖನಿಯಾದೆ
ಕಲ್ಲಿನ ಮನಸನು ಕೆತ್ತಿ ನೀ ಶಿಲ್ಪಿಯಾದೆ
ಪ್ರೀತಿಸಲು ಕಲಿಸಿದ ನೀ ಪ್ರೇಯಸಿಯಾದೆ

               ಬತ್ತಿದ ನಯನಗಳಿಗೆ ನೀ ಕನಸಾದೆ
               ಪ್ರೀತಿಯ ತೇರಿಗೆ ನೀ ಗಾಲಿಯಾದೆ
               ಒಲವಿನಾ ಬೀಜವಾ ಬಿತ್ತಿ ನೀ ಸ್ನೇಹಿತೆಯಾದೆ
               ಬದುಕಿನ ಅರ್ಥವಾ ತಿಳಿಸಿ ನೀ ಸಂಗಾತಿಯಾದೆ

ಬಾಳೆಂಬ ಸಂಗೀತಕೆ ನೀ ಪಲ್ಲವಿಯಾದೆ
ಹೃದಯದಾ ದೇಗುಲಕೆ ನೀ ದೇವತೆಯಾದೆ
ಬದುಕೆಂಬ ನೌಕೆಗೆ ನೀ ಜೊತೆಯಾದೆ
ಪದಗಳೆಂಬ ಉಸಿರಿಗೆ ನೀ ಕವಿತೆಯಾದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನವಳ ಚಿತ್ತಾರ

ನೀಲಿ ಗಗನದಿ ಬೆಳ್ಳಿ ಮೋಡಗಳ ಚಿತ್ತಾರ
ಚಿತ್ತಾರದ ನಡುವಿಂದ ನನ್ನವಳ ಸಾಕ್ಷಾತ್ಕಾರ
ಪುಟಿಯುತಿದೆ ಮನಸಲಿ ಹಾಹಾಕಾರ
ನಿನ್ನ ಸೇರಲು ತವಕ ನಿರಂತರ

       ಮಳೆ ಹನಿಯ ಮುತ್ತಿನಲಿ ನಿನ್ನದೇ ಬಿಂಬ
       ಉರಿಬಿಸಿಲ ನೆರಳಲ್ಲಿ ನಿನ್ನದೇ ಪ್ರತಿಬಿಂಬ
       ಪಚ್ಚನೆ ಹಸಿರಿನಲಿ ನೀ ಸೀರೆ ಉಟ್ಟಂತೆ
       ಉದಯಿಸಿದ ಉಷೆಯು ನಿನ್ಹಣೆಯ ಬೊಟ್ಟಂತೆ

ಹುಣ್ಣಿಮೆ ಶಶಿಯಲ್ಲಿ ಕಂಡೆ ನಿನ್ನ ಮೊಗವಾ
ಬೀಸುತಿಹ ತಂಗಾಳಿಯಲಿ ಕಂಡೆ ನಿನ್ನ ಸ್ಪರ್ಶವಾ
ಮೂಡುತಿಹೆ ಮನದಲ್ಲಿ ಆಸೆಗಳ ಗೋಪುರ
ಹೃದಯದಾ ಗೂಡಲ್ಲಿ ಎಂದೆಂದೂ ನೀ ಸ್ಥಿರ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ದಿನಕರ

ಮೂಡುತಿಹ ದಿನಕರನ ಅಂದವಾ ನೋಡುತಾ
ನಿಂತೆನಾ ಸುಂದರ ಕ್ಷಣವನು ಸವಿಯುತಾ

ರಥವೇರಿ ಬರುತಿರಲು ಆ ರವಿಯು ಮೂಡಣದಿ
ಗಗನದಲಿ ಕೆಂಪು ಬಣ್ಣದಾ ರಂಗೋಲಿ
ಚಿಲಿ ಪಿಲಿ ಹಕ್ಕಿಗಳು ಹಾಡುತಿಹೆ ಶ್ರುತಿಲಯದಿ
ಮನಸುಗಳು ಕುಣಿಯುತಿವೆ ಇಂಚರವಾ ಕೇಳಿ

ಬರುತಿರಲು ಆ ಉದಯ ಭುವಿಗೆ ರಂಗನು ಚೆಲ್ಲಿ
ಪಸರಿದೆ ಮುತ್ತುಗಳು ಪನ್ನೀರ ಹನಿಗಳಲಿ
ಪರಿಮಳವು ಮಲ್ಲಿಗೆಯ ಆ ರವಿಗೆ ಸ್ವಾಗತ
ದಿನನಿತ್ಯ ಈ ಅಂದ ಈ ಜಗಕೆ ಶಾಶ್ವತ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನಾನು

ಜೀವನವೆಂಬ ನೀಲ ಸಾಗರದ ಮದ್ಯದಲ್ಲಿ 

ದಡ ಸೇರಲು ಪರಿತಪಿಸುತ್ತಿರುವ 

ನಾವಿಕನು ನಾನು.....
ಆಪ್ತರಿಗಾಗಿ ಹಂಬಲಿಸುತ್ತಿರುವ 

ಆತ್ಮೀಯ ನಾನು ..... 

ಪ್ರೀತಿಗಾಗಿ ಕಾತರದಿಂದ ಕಾಯುತ್ತಿರುವ 

ಪ್ರಿಯತಮ ನಾನು .....

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನ ಭ್ರಮೆ

ನೀ ಬಂದಾಗ ನನ್ನ ಬಾಳಿಗೆ
        ನನಗನಿಸಿತು ನೀ ನನ್ನ
               ದಾರಿದೀಪವೆಂದು
ಆಮೇಲೆ ತಿಳಿಯಿತು
        ಅದು ನನ್ನ
               ಭ್ರಮೆಯೆಂದು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು

ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು ಬಾಳಿಗೆ ಬಂದವಳಾರೆ
                                     ನೀನು ...... ನೀನು .....
ದಿಟ್ಟ ದಿಟ್ಟ ಮಾತುಗಳಾಡಿ ಮನವ ಗೆದ್ದವಳಾರೆ
                                    ನೀನು ...... ನೀನು .....

ಹೃದಯವ ಕದ್ದು ಹೋದೆ
ಬಾಳಿಗೆ ಬೆಳಕು ತಂದೆ
ಮರೆಯಾಗಿ ಎಲ್ಲಿ ಹೋದೆ

ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು ಬಾಳಿಗೆ ಬಂದವಳಾರೆ
                                     ನೀನು ...... ನೀನು .....
ದಿಟ್ಟ ದಿಟ್ಟ ಮಾತುಗಳಾಡಿ ಮನವ ಗೆದ್ದವಳಾರೆ
                                    ನೀನು ...... ನೀನು .....

ಆಕಾಶದ ದೀಪವಾದೆ
ಸಾಗರದ ಅಲೆಗಳಾದೆ
ಮಿಂಚಂತೆ ಕಾಣದಾದೆ

ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು ಬಾಳಿಗೆ ಬಂದವಳಾರೆ
                                     ನೀನು ...... ನೀನು .....
ದಿಟ್ಟ ದಿಟ್ಟ ಮಾತುಗಳಾಡಿ ಮನವ ಗೆದ್ದವಳಾರೆ
                                    ನೀನು ...... ನೀನು .....

ಕನಸುನು ನೀನೆ ಆದೆ
ಉಸಿರುನು ನೀನೆ ಆದೆ
ತಟ್ಟಂತ ಎಲ್ಲಿ ಹೋದೆ

ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು ಬಾಳಿಗೆ ಬಂದವಳಾರೆ
                                     ನೀನು ...... ನೀನು .....
ದಿಟ್ಟ ದಿಟ್ಟ ಮಾತುಗಳಾಡಿ ಮನವ ಗೆದ್ದವಳಾರೆ
                                    ನೀನು ...... ನೀನು .....

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಮರಳಿ ಬಾ

ಆಸೆಯ ಸಾಗರದಿ ನೀ ಅಲೆಯಾದೆ
ದಡಕಪ್ಪಳಿಸಿ ನೀ ಯಾಕೆ ಹಿಂದೆ ಹೋದೆ
ಕನಸಿನಾ ಗಗನದಿ ನೀ ಮಿಂಚಾದೆ
ಈ ಬಾಳ ಬೆಳಗಿ ನೀ ಯಾಕೆ ಮರೆಯಾದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ವಿರಹ

ಬಾನಂಚಿನಿಂದ ಧರೆಗಿಳಿದು ಬಂದೆ
ನನ್ನೆದೆಯ ಬಡಿತವಾಗಿ ನಿಂದೆ
ನನ್ನಾಸೆಯ ಮುಗಿಲೆತ್ತರಕೆ ತಂದೆ
ವಿರಹದಾ ಬೇಗೆಯಲಿ ನನ್ಯಾಕೆ ಕೊಂದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನಾಕೆ

ನನ್ನ ಪುಟ್ಟ ಹೃದಯದ ಬಡಿತವೇ ನೀ
ನನ್ನ ನಯನಗಳ ಮಿಡಿತವೇ ನೀ
ನನ್ನ ಶ್ರವಣಗಳ ಇಂಚರವೇ ನೀ
ನನ್ನ ನಾಸಿಕದ ಉಸಿರೇ ನೀ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಓ ನನ್ನ ಗೆಳತಿ

ನನ್ನೊಲುಮೆಯ ಪ್ರೀತಿಯಾಗಿ
       ಹೃದಯಾಂಗಳದ ಲತೆಯಾಗಿ
               ಕನಸಿನಾ ಚಿತ್ತಾರವಾಗಿ
ಸದಾ ನನ್ನ ಬಾಳಲ್ಲಿ
          ಹಸನಾಗಿರು
               ಓ ನನ್ನ ಗೆಳತಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನುಸಿರು

ಕನಸಲಿ ಬಂದೆ
ಉಸಿರಲಿ ನಿಂದೆ
ನನ್ನುಸಿರು ನಿಂತಾಗ
ನೀ ಯಾಕೆ ನಕ್ಕು ದೂರಾದೆ ???

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಹೆಜ್ಜೆ ಗುರುತು

ಮನಸ್ಸಿನಂಗಳದಲಿ ಮೂಡಿಸಿದೆ
                ನೀ ಹೆಜ್ಜೆ ಗುರುತು......
ಕಾಲ್ಗೆಜ್ಜೆಯನಾದ ಅಚ್ಚಾಗಿದೆ
               ಶ್ರುತಿಲಯವ ಬೆರೆತು ......
ಪಾದಗಳು ನಡೆಯುತ್ತಿರಲು
              ಹಿತವಾದ ಕಂಪನ ......
ಮೃದುಲ ತ್ವಚೆಯ
             ತಂಪಾದ ತಂಪನ ......

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಹೋಗಬೇಡವೇ

ನೀ ಬಂದೆ ನನ್ನ ಬಾಳಿಗೆ ಬೆಳ್ಳನೆ ಬೆಳದಿಂಗಳಾಗಿ .....
ನೀ ಬಂದೆ ನನ್ನ ಬಾಳಿಗೆ ಬೆಳ್ಳನೆ ಬೆಳದಿಂಗಳಾಗಿ .....
ಹೋಗಬೇಡವೇ ನನ್ನ ಪ್ರೀಯೆ
             ಬಿಟ್ಟು ನನ್ನ ಮನವ
                    ಕರಿ ಮುಸುಕಿದ ರಾತ್ರಿಯನ್ನಾಗಿಸಿ ....


ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪುಟ್ಟ ಕಾವ್ಯ

ಓ ಎನ್ನ ಮೋಕೆದ ಪುಟ್ಟ ಕಾವ್ಯ

      ಈ ಇಜ್ಜಂದೆ ಎನ್ನ ಜೀವನ ಶೂನ್ಯ 

             ನಿನ್ನೊಟ್ಟಿಗೆ ಕಳೆಯಿನ ಆ ಸಮಯ ಏತ್ ರಮ್ಯ 

                      ಇಂಚೆನೆ ಉಪ್ಪುಗ ನಮ 

                      ಕೋಟಿ ಕೋಟಿ ಜನ್ಮ 

                      ಓ ಎನ್ನ ಮೋಕೆದ ಕಾವ್ಯ ....

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಚಂದ್ರಿಕೆ

ನೀ ಬರಲು ಸನಿಹ ಬಳುಕುತಿಹ ಲತೆಯಂತೆ
                          ನಾ ಮರುಳಾದೆ ನಿನ್ನ ಅಂದಕೆ
ನನ್ನುಸಿರಿಗೆ ನಿನ್ನುಸಿರು ಬೆರೆಯಲು
                          ನನ್ನ ನಾ ಮರೆತೆ ಓ ಚಂದ್ರಿಕೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಯಾಕೆ ???

ನೀ ಬಂದೆ ನನ್ನ ಬಾಳಲ್ಲಿ
                ತಂಪಾದ ತಂಗಾಳಿಯಾಗಿ
ಈ ಮನವನ್ನು ಕಲಕಿ
                ನೀ ಹೋದೆ ಬಿರುಗಾಳಿಯಾಗಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಇದು ಸತ್ಯ

ಗುಲಾಬಿ ಹೂವಿನ ಸುತ್ತ
                ಮುಳ್ಳಿರುತ್ತೆ
ನಗಿಸುವವರ ನಗುವಿನ ಹಿಂದೆ
                ನಗಲಾಗದಷ್ಟು ನೋವಿರುತ್ತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನಾಸೆ

ಮನಸ್ಸಲ್ಲಿ ನೀನಿರುವೆ ಮನಸಾಗಿ
ಕನಸಲ್ಲಿ ನೀನಿರುವೆ ಕನಸಾಗಿ
ಬದುಕಲ್ಲಿ ನೀನಿರುವೆ ಬದುಕಾಗಿ
ಎಂದೆಂದೂ ನೀನಿರು ಹಸನಾಗಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪ್ರಾಣಪಕ್ಷಿ

ಕವಿ ಕೆತ್ತನೆಯ ಶಿಲಾಬಾಲಿಕೆ ನೀ
ನಿಸರ್ಗದತ್ತ ಪಾರಿಜಾತ ನೀ
ಸ್ವರ್ಗದಿಂದ ಧರೆಗಿಳಿದ ಅಪ್ಸರೆ ನೀ
ನನ್ನ ಹೃದಯಾಂತರಂಗದ ಪ್ರಾಣಪಕ್ಷಿ ನೀ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಮಾತನಾಡೆಯಾ

ಮಾತನಾಡೆಯಾ ಗೆಳತಿ
             ಹೀಗೇಕೆ ಮಂಕಾಗಿ ಕುಳಿತಿ
ಮನ ಬಿಚ್ಚಿ ಮಾತನಾಡುವ ನೀ
             ಹೀಗೇಕೆ ಕಲ್ಲಾಗಿ ನಿಂತಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ತೊಲಗದಿರು

ಉಸಿರು ಉಸಿರಿನಲ್ಲಿ ಉಸಿರಾಗಿರು
ಹೃದಯ ದೇಗುಲದಲ್ಲಿ ಸ್ಥಿರವಾಗಿರು
ಪೂಜಿಪೆನು ನಿನ್ನ ದಿನರಾತ್ರಿ
ತೊಲಗದಿರು ನನ್ನ ಓ ಪ್ರೀತಿ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನ ಕವಿತೆ

ಪದಗಳಲ್ಲಿ ಕುಳಿತಿರುವೆ ನೀ ನನ್ನ ಕವಿತೆ
ರಾಗದಲಿ ಬೆರೆತಿರುವೆ ನೀ ನನ್ನ ಕವಿತೆ
ನನ್ನೆದೆಯೆ ಗೂಡಲ್ಲಿ ನೀನಿರುವೆ ಕವಿತೆ
ನಯನದಾ ನೋಟದಲಿ ನೀನಿರುವೆ ಕವಿತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಯಾಕೆ ಮರೆಯಾದೆ

ಸತ್ತ ಮನಸ್ಸಿಗೆ ನೀ ತುಂಬಿದೆ ಜೀವ
               ಚಡಪಡಿಸುವ ಮತ್ಸ್ಯ ಸಾಗರವ ಸೇರಿದಂತೆ
ನೀರಿಲ್ಲದ ನಯನದಿ ನೀ ತುಂಬಿದೆ ತೇವ
               ಬರಡಾದ ಕೆರೆಗೆ ಮಳೆಹನಿಯು ಬಿದ್ದಂತೆ
ಚಿಗುರೊಡೆದ ಬಯಕೆಗೆ ಸ್ಪಂದಿಸದೆ
              ನೀ ಯಾಕೆ ಮರೆಯಾದೆ ಮಿಂಚಿನಂತೆ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪರಿಪೂರ್ಣ

ಶ್ರುತಿಲಯದ ಸಮ್ಮಿಲನ
      ಜನುಮ ಜನುಮದಾ ಅನುಬಂಧನ
             ಸುಖದಾ ಸ್ವಪ್ನಗಾನ
ಉಸಿರೆರಡು ಬೆರೆತಾಗ ಅದುವೇ ಪರಿಪೂರ್ಣ
                                ನಮ್ಮ ಈ ಮಿಲನ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಬೊಲ್ಕಿರಿ ಬೊಲ್ಪಾಂಡ್ ಯೇ

ಬೊಲ್ಕಿರಿ ಬೊಲ್ಪಾಂಡ್ ಯೇ....... ಉಡಲ್
             ಮೋಕೆಡ್ ಮರ್ಲಾಂಡ್ ಯೇ
ಬೊಲ್ಕಿರಿ ಬೊಲ್ಪಾಂಡ್ ಯೇ....... ಉಡಲ್
             ಮೋಕೆಡ್ ಮರ್ಲಾಂಡ್ ಯೇ

ಏನೆದಾಂತಿ ಐಸಿರೊಯೇ ....... ಕಣ್ಣ್
              ನೀರ್ ಡ್ ತೆಲ್ತ್ಂಡ್ ಯೇ .......
ಬೊಲ್ಕಿರಿ ಬೊಲ್ಪಾಂಡ್ ಯೇ....... ಉಡಲ್
             ಮೋಕೆಡ್ ಮರ್ಲಾಂಡ್ ಯೇ

ಪುಣ್ಣಿಮೆ ಚಂದ್ರನ ಪೊರ್ಲು ನಿನ್ನ ಮೋನೆ
            ಕಣ್ಣುಲು ಪನಿ ಪನಿ ಮುತ್ತುಲುಯೇ ......
ಬೊಲ್ಕಿರಿ ಬೊಲ್ಪಾಂಡ್ ಯೇ.......  ಉಡಲ್
             ಮೋಕೆಡ್ ಮರ್ಲಾಂಡ್ ಯೇ

ನೇಸರೆ ಕೆಂಪುದಾ ರಂಗ್ ನಿನ್ನ ಬಿಮ್ಮೊ
            ನಾಸಿಕ ಪೊರ್ಲುದಾ ಸಂಪಿಗೆಯೇ .....
ಬೊಲ್ಕಿರಿ ಬೊಲ್ಪಾಂಡ್ ಯೇ.......ಉಡಲ್
             ಮೋಕೆಡ್ ಮರ್ಲಾಂಡ್ ಯೇ

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಹೋಗಬೇಡವೇ

ನೀ ಬಂದೆ ಬಾಳಿಗೆ ಪ್ರೇಮದ ಸಿರಿಯಾಗಿ
        ಮರೆಯಲಾರದ ಕವಿತೆಯಾಗಿ
               ನೆಲೆಸಿದೆ ನೀ ಹೃದಯ ದೇವತೆಯಾಗಿ
                        ಹೋಗಬೇಡವೇ ನೀ ನನ್ನ ತೊರೆದು
                                      ಕಣ್ಣೀರ ಹನಿಯಾಗಿ ...

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನೀನಿರುವೆ ನನ್ನ ಹೃದಯದಿ ಅಜರಾಮರ

ನೀನಿರುವೆ ನನ್ನ ಹೃದಯದಿ ಅಜರಾಮರ
                      ಯಾಕೆಂದು ಕೇಳೆಯಾ ಗೆಳತಿ ..... ??
ತಪ್ಪು ಒಪ್ಪುಗಳಿಂದ ಬೆಂದ ಮನಸ್ಸಿಗೆ
                      ಪ್ರೀತಿಯ ಸಿಂಚನ ತುಂಬಿಹೆ ನೀನು ....
ಲೋಕವೇ ಬೇಡವೆಂದ ಈ ಪ್ರಾಣಕೆ
                      ಬದುಕುವ ಆಸೆ ತುಂಬಿದೆ ನೀನು ......
ಮರುಭೂಮಿಯಂತೆ ಬರಡಾದ ಈ ಜೀವಕೆ
                      ಪನ್ನೀರ ಹನಿ ಚಿಮ್ಮಿದೆ ನೀನು .....

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನಾಕ

ಕರವ ಹಿಡಿದು ನೀ
               ನನ್ನ ಬರ ಸೆಳೆದಾಗ ....
ಕಮಲ ನಯನದಿಂದ ನೀ
               ನನ್ನ ಕಂಡಾಗ .....
ಕೆಂದುಟಿಗೆ ಸರಸರಸ
               ಮೀಟಿದಾಗ ....
ಈ ಭುವಿಯೇ ನಾಕದಂತೆ ....

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಆಸೆ

ನಿನನ್ ತೂನಗ ಆಪುಂಡು ಆಸೆ ಸಾರ ಸಾರ....
ತಿಕ್ಕ್ ಲಾ ಎಂಕ್ ಎಪಾಂಡಲಾ ಒರಾ ಒರಾ ....

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ಪೊರ್ಲು

ಈ ಏಪಲಾ ಇಂಚೆನೆ ತೆಲ್ ತೊಂದು ನಲ್ ತೊಂದು ಕುಸಿಟೆ ಉಪ್ಪೊಡು .....
ಈ ಏಪಲಾ ಇಂಚೆನೆ ತೆಲ್ ತೊಂದು ನಲ್ ತೊಂದು ಕುಸಿಟೆ ಉಪ್ಪೊಡು .....
ನಿನ್ನ ಈ ಪೊರ್ಲು ತೂದು ಯಾನ್ ಯೆನನೇ ಮದತ್ ದ್ ಈ ಲೋಕ ಬುಡೊಡು

ರಚನೆ: ಶಶಿಕುಮಾರ್ ವಿ. ಕುಲಾಲ್ 

ನನ್ನವಳು

ಮಧುರ ಕಂಠದ ಇಂಚರವೂ ನೀ

ಮೂಡುತಿಹ ಉಷೆಯ ಕಿರಣವೂ ನೀ 

ಹಕ್ಕಿಗಳ ಚಿಲಿಪಿಲಿಯ ಕಲರವವೂ ನೀ 

ಮಲ್ಲಿಗೆಯ ಸುಮಧುರ ಪರಿಮಳವೂ ನೀ

ರಚನೆ: ಶಶಿಕುಮಾರ್ ವಿ. ಕುಲಾಲ್