ಎಷ್ಟೊಂದು ಮಧುರ

ಎಷ್ಟೊಂದು ಮಧುರ ಈ ಪ್ರೀತಿಯ ಭಾವನೆಗಳು
ಕನಸುಗಳು ನನಸಾಗುವ ಆ ಸುಂದರ ಕ್ಷಣಗಳು
ನಯನಗಳಲಿ ಕಾತರತೆ ನಿನ್ನ ಕಾಣಲು
ನುಡಿಯಲ್ಲಿ ಹರಿದಿದೆ ಪ್ರೀತಿಯ ರಸಧಾರೆಗಳು

ಬದುಕು ಕಟ್ಟಲು ಸೇರುತಿದೆ ಎರಡು ಜೀವಗಳು
ಸಂಗೀತ ಲಹರಿಯಲಿ ಹಾರುತಿಹ ಜೋಡಿ ಹಕ್ಕಿಗಳು
ಮನಸ್ಸನ್ನು ಸೆಳೆವಂತ ನಿನ್ನ ಸುಂದರ ಕಣ್ಣುಗಳು
ಕೇಶವನ್ನು ನೇವರಿಸಲು ಮೂಡಿದೆ ಆತ್ಮೀಯ ಭಾವನೆಗಳು

ಒಂಟಿ ಜೀವಕೆ ನೀನಿತ್ತ ಆಸೆಯ ಚಿಗುರುಗಳು
ಬಾಳದಾರಿಯಲಿ ಪುಟಿದೆದ್ದ ಸುಂದರ ಬಯಕೆಗಳು
ಬಾ ಒಲವೆ ಬೇಗ ಇನ್ನೇಕೆ ನಿಂತಿರುವೆ
ಹೃದಯದಾ ಅರಮನೆಯ ಕದತೆರೆದು ಕಾದಿರುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್