ಇರಲಾರೆ ನಾನು

ಇರಲಾರೆ ನಾನು ನಿನ್ನಿಂದ ದೂರ
ಮನದಲ್ಲಿ ಮೂಡಿದೆ ನೆನಪುಗಳ ಸಮರ
ಕ್ಷಣ ಕ್ಷಣವು ಕಂಡಿದೆ ನನಗೆ ವರುಷಗಳಂತೆ
ಬಯಕೆಗಳು ಮೂಡಿದೆ ಸಾಗರದ ಅಲೆಗಳಂತೆ

ಪ್ರತಿಯುಸಿರಿನಲ್ಲೂ ಬೆರೆತಿರುವೆ ನೀನು
ಹೃದಯಾಂತರಾಳದಿ ನೆಲೆಸಿರುವೆ ನೀನು
ಯಾವ ಜನ್ಮದ ಪುಣ್ಯವೊ ಅರಿಯದಾದೆ ನಾನು
ವಂದಿಪೆ ಆ ದೇವಗೆ ಮನಸಾರೆ ನಾನು

ಪ್ರೀತಿಯು ಏನೆಂಬುದ ಕಲಿಸಿದೆ ನೀನು
ಎಂದೆಂದು ಆಗಿರಲಿ ನಮ್ಮ ಬಾಳು ಹಾಲು ಜೇನು
ಮಮತೆಯ ಧಾರೆಯನು ಹರಿಸುತಿರು ಹೀಗೆ
ಪ್ರೀತಿಯ ಸುಧೆಯಲ್ಲಿ ತೇಲಿಸುವೆ ಪ್ರತಿಗಳಿಗೆ

ರಚನೆ: ಶಶಿಕುಮಾರ್ ವಿ. ಕುಲಾಲ್