ಭಾವನೆಗಳ ಭೋರ್ಗರೆತ

ಭಾವನೆಗಳ ಭೋರ್ಗರೆತ
ಹೃದಯವೆಂಬ ಸಾಗರದಿ
ಅಪ್ಪಳಿಸಿದೆ ಅಲೆಗಳಾಗಿ
ಪ್ರೀತಿಯೆಂಬ ಕಾವ್ಯದಿ

ಚಿಗುರುತಿದೆ ಬಯಕೆಗಳು
ಸೇರಿ ಬಾಳಲು ನಿನ್ನೊಡನೆ
ಜೀವನವೆಂಬ ರಥದಲ್ಲಿ
ನಾನು ನೀನು ಗಾಲಿಗಳಾಗಿ

ಕಣ್ಣೋಟದಿ ಸೃಷ್ಟಿಸಿದೆ
ಎದೆಗೂಡಲಿ ವೃಂದಾವನ
ಭಾವ ತರಂಗಗಳು ಶೃತಿಲಯದಿ
ಹಾಡಾಗಿ ಚಿಮ್ಮಿದೆ ಪ್ರೇಮರಾಗದಿ

ಜೋಡಿಸಿದೆ ಕಾವ್ಯ ಬಿಂದುಗಳನ್ನು
ನಿನಗಾಗಿ ಬರೆದೆ ಕವಿತೆಗಳಾಗಿ
ಧುಮ್ಮಿಕ್ಕುವ ಪ್ರೀತಿ ಜಲಪಾತದಿಂದ
ನಿನಗಾಗಿ ಹರಿದಿದೆ ಪ್ರೇಮಸುಧೆಯಾಗಿ

ರಚನೆ: ಶಶಿಕುಮಾರ್ ವಿ. ಕುಲಾಲ್