ಹಾಡೋಣ ಬಾ ಗೆಳತಿ

ಹಾಡೋಣ ಬಾ ಗೆಳತಿ ಪ್ರಣಯರಾಗ
ಕುಣಿಯೋಣ ಹೃದಯದೊಡತಿ ಸೇರಿ ಈಗ
ಪ್ರೀತಿಯ ಮತ್ತನ್ನು ಉಣಿಸಿದೆ ನೀನು
ಒಲವೆ ನೀನು ಬಾರೆ..... ಚೆಲುವೆ ನೀನು ಬಾರೆ

ಬಾಳ ಸರಿಗಮದಿ ನೀ ರಾಗವಾದೆ
ನನ್ನ ಉಸಿರ ಉಸಿರಲ್ಲಿ ನೀ ಐಕ್ಯವಾದೆ
ಕಣ್ಣಲ್ಲಿ ಕಣ್ಣಿಟ್ಟು ಕಾಯುವೆ ನಿನ್ನ
ಪ್ರೀತಿ ನೀನು ಬಾರೆ ....... ಮನಸ ನೀಡು ಬಾರೆ

ಬೆಳದಿಂಗಳಾಗಿ ನೀ ತೋರಿದೆ ಬೆಳಕ
ನೀ ಸನಿಹ ಬರುತಿರಲು ಮೈಯೆಲ್ಲ ಪುಳಕ
ಬಾಳೋಣ ಜೊತೆಯಾಗಿ ನಾವು
ಕನಸ ನೀಡು ಬಾರೆ ..... ನನಸ ಮಾಡೋಣ ಬಾರೆ

ರಚನೆ: ಶಶಿಕುಮಾರ್ ವಿ. ಕುಲಾಲ್