ನಿನ್ನ ಮುತ್ತಿನಂತ ನುಡಿಯಲಿ

ನಿನ್ನ ಮುತ್ತಿನಂತ ನುಡಿಯಲಿ ಸ್ವರ್ಗ ಕಂಡೆನೆ
ನಿನ್ನ ಮಾತು ಕವಿತೆಯಾಗಿ ಹರಿದು ಬಂದವೆ
ಕಾಮನ ಬಿಲ್ಲಿನ ಅಂದ ಮೊಗದಿ  ಕಂಡೆನೆ
ಕಾಮದೇವನ ಕಣೆಯ ಹರಿತ ಕಣ್ಣೋಟದಿ ಕಂಡೆನೆ

ಚೆಲ್ಲುವೆ ಸೊಗಸನು ನೀ ನಡೆದಾಗ
ಗೆಜ್ಜೆಯ ನಾದದ ಸುಮಧುರ ರಾಗ
ಚೈತ್ರದ ಕೋಗಿಲೆ ಹಾಡಿದ ಹಾಗೆ
ನೀ ನಗಲು ನನಗೆ ಎನಿಸಿತು ಹಾಗೆ

ಗಾಳಿಯು ಬೀಸಲು ಕೇಶ ಹಾರಿದೆ
ಮುಂಗುರುಳ ಹಿಡಿದು ಗಾಳಿ ಓಡಿದೆ
ನಿನ್ನ ಕೇಶರಾಶಿಗೆ ಮರುಳಾದೆನೆ
ಕೆಂದುಟಿಯ ಚೆಲುವಿಗೆ ಬೆರಗಾದೆನೆ

ಹಾಡಿದೆ ಸುವ್ವಾಲೆ ನನ್ನ ಮನದೊಳಗೆ
ಸೇರುವ ಆಸೆ ನಿನ್ನ ಉಸಿರೊಳಗೆ
ಮಾತುಗಳು ಮನಸಿನ ಹಾಡಿಹೊಗಳಲು
ನೀ ಬಾರೆ ನನ್ನ ಸನಿಹ ಸೇರಿ ಬಾಳಲು

ರಚನೆ: ಶಶಿಕುಮಾರ್ ವಿ. ಕುಲಾಲ್