ನೋಡುತಿರೆ ನಿನ್ನ ನಡುವ

ನೋಡುತಿರೆ ನಿನ್ನ ನಡುವ ಬಳುಕುವ ಬಳ್ಳಿಯಂತೆ
ನಡೆಯುತಿರೆ ಮೆಲ್ಲನೆ ಅಪ್ಸರೆಯ ನಾಟ್ಯದಂತೆ
ಸವರಿದಾಗ ಅದರಲಿ ಸುತ್ತಲು ಬೆರಳನು
ನಾಚಿ ನೀರಾಗಿ ಅಪ್ಪಿದೆ ನನ್ನನು

ಹರಿಯುತಿಹ ನದಿಯಂತೆ ಬಳುಕುತಿಹ ನಿನ್ನ ನಡುವು
ನವಿಲಿನ ನಾಟ್ಯದಂತೆ ಕುಣಿವಾಗ ನಿನ್ನ ನಡುವು
ಮರುಳಾದೆನೆ ನಿನ್ನ ತಿರುಗುವ ನಡುವಿನ ಬಿನ್ನಾನಕೆ
ಬಾ ಸನಿಹಕೆ ನಿನ್ನ ಕೊಂಡೊಯ್ಯುವೆ ಸ್ವರ್ಗದ ಲೋಕಕೆ

ಮರುಳಾಗದವರಿಲ್ಲ ಹೆಣ್ಣಿನ ಸೊಂಟಕೆ
ಸೆಳೆಯಿತಲ್ಲೆ ನನ್ನ ಮನ ನಿನ್ನ ಸಣ್ಣ ಸೊಂಟಕೆ
ಹಿಡಿದು ಬರಸೆಳೆಯಲು ನಿನ್ನ ಹಿಡಿದು
ವ್ಯಕ್ತ ಪಡಿಸಲಾಗದ ಸಂತಸ ಕಂಡೆನಿಂದು

ರಚನೆ: ಶಶಿಕುಮಾರ್ ವಿ. ಕುಲಾಲ್