ನೀ ಸೇರು ನನ್ನಲೆ

ನಿನ್ನ ಮನಸ್ಸಲ್ಲಿ ತುಂಬಿದೆ ನನಗಾಗಿ ಪ್ರೀತಿ
ತೋರ್ಪಡಿಸಲಾರೆಯಾ ಯಾಕಿಷ್ಟು ಭೀತಿ
ನಿನ್ನ ವಾಣಿಯಲಿ ನಾ ಕಂಡೆ ಒಲವು
ನಿನ್ನ ಕಂಗಳಲಿ ನನಗಾಗಿ ಕಾತರವು

ಕಾಯುತಿರುವೆ ನನ್ನ ಒಂದು ನೋಟಕೆ
ಹಂಬಲಿಸುತಿರುವೆ ನನ್ನ ಒಡನಾಟಕೆ
ಮನಸಿನ ಭಾವನೆಯ ಯಾಕೆ ಮುಚ್ಚಿಡುವೆ
ಮೀರಿದರೆ ಕಾಲ ವ್ಯರ್ಥ ದುಃಖ ಪಡುವೆ

ಬಂಧು ಮಿತ್ರರು ಜೊತೆಗೂಡಿ ಬರುವರೇನು
ನೀ ನೊಂದು ನಿಂತಾಗ ಸಂತೈಸುವರೇನು
ಬರುವಾಗ ಬೆತ್ತಲೆ ಹೋಗುವಾಗ ಕತ್ತಲೆ
ಬಂದು ಹೋಗುವ ನಡುವೆ ನೀ ಸೇರು ನನ್ನಲೆ

ರಚನೆ: ಶಶಿಕುಮಾರ್ ವಿ. ಕುಲಾಲ್