ಕಾದಿರುವೆ ಸೇರಲು

ಚಿಗುರಿದೆ ನಿನ್ನಯ ಮನದಲಿ
ನನಗಾಗಿ ಪ್ರೀತಿಯ ಭಾವನೆ
ಅರಳಿದೆ ನಿನ್ನಯ ಕಂಗಳಲಿ
ನನಗಾಗಿ ಜೀವನದ ಪರಿವರ್ತನೆ

ನನ್ನಲ್ಲಿ ಮಾತನಾಡಲು ನಿನಗೆಷ್ಟು ಆತುರ
ನಿನ್ನನ್ನು ನೋಡಲು ನನಗೆಷ್ಟು ಕಾತರ
ಮನಸ್ಸುಗಳ ಮಿಲನ
ಬೆರೆತಾಗ ಉಸಿರುಸಿರು
ಸ್ವರ್ಗದಾ ಸುಖವನ್ನು ನಾ ಕಂಡೆನೆ
ನಿನ್ನಯ ಸ್ಪರ್ಶದಿ ನಾ ಮಿಂದೆನೆ

ನಮ್ಮ ಸ್ನೇಹ ಜೇನಂತೆ ಮಧುರ
ನಮ್ಮ ಪ್ರೀತಿ ಬೆಳದಿಂಗಳಂತೆ ಸುಂದರ
ಒಲವಿನ ಸುಮವು
ಅರಳಲು ಘಮ ಘಮವು
ತುಂಬಿದೆ ಬಾಳಲ್ಲಿ ಹರುಷವ ನೀನು
ಕಾದಿರುವೆ ಸೇರಲು ನಿನ್ನಲ್ಲಿ ನಾನು

ರಚನೆ: ಶಶಿಕುಮಾರ್ ವಿ. ಕುಲಾಲ್