ನಾ ಹೇಗೆ ತಿಳಿಯಲಿ

ಹನಿ ಹನಿ ಮಳೆ ಹನಿ
ಉದುರಿದೆ ಆಗಸದಿಂದ
ಹನಿ ಹನಿ ನೀರ ಹನಿ
ಮೂಡಿದೆ ಕಣ್ಣಿನಿಂದ

ಕಾಣದು ಗೆಳತಿ ಈ ಕಣ್ಣೀರು
ಬೆರೆಯಿತು ಮಳೆ ನೀರಲಿ
ವೇದನೆ ಎದೆಯ ನೀ ಅರಿಯದಾದೆ
ಅಳುತಿಹೆ ವಿರಹದ ಬೇಗೆಯಲಿ

ಯಾರಿಗೆ ಹೇಳಲಿ ನನ್ನಯ ಪಾಡು
ಹೃದಯವೆ ನಿಂತಿತಲ್ಲೆ
ನಿನ್ನಯ ನೆನಪಲಿ ನನ್ನ ಮರೆತೆ
ಉಸಿರಲೆ ಬೆರೆತೆಯಲ್ಲೆ

ನಯನದಿ ನಿದಿರೆಯ ಕದ್ದೆಯಲ್ಲೆ
ನಾ ಹೇಗೆ ಕಾಣಲಿ ಕನಸಾ
ಹೃದಯವ ತಟ್ಟಿ ಹೋದೆಯಲ್ಲೆ
ನಾ ಹೇಗೆ ತಿಳಿಯಲಿ ನಿನ್ನ ಮನಸಾ

ರಚನೆ: ಶಶಿಕುಮಾರ್ ವಿ. ಕುಲಾಲ್