ನೂರಾಸೆ ಮನದಲ್ಲಿ

ನೂರಾಸೆ ಮನದಲ್ಲಿ ಚೆಲುವೆ ನಿನ್ನ ಕಂಡಾಗ
ಶಿಲೆಯಂತೆ ಎದೆಯಲ್ಲಿ ನೀ ಬಂದು ನಿಂತಾಗ
ನಿಲ್ಲುವೆ ನಾ ಜಗಮೆಟ್ಟಿ ನೀ ಬಂದರೆ ಜೊತೆಯಾಗಿ
ನೀಡುವೆ ಹೃದಯವ ಪ್ರೀತಿಯ ಉಡುಗೊರೆಯಾಗಿ

ನೀ ಬಂದೆ ಬಾಳಲ್ಲಿ ಸುಖದ ಮಧುವನ್ನು ಕೂಡಿ
ಲತೆಯಂತೆ ಬಳುಕುತ್ತಾ ನೀ ಮಾಡಿದೆ ಮೋಡಿ
ದೂರಾಗದಿರು ನನ್ನಿಂದ ಬಾಳೋಣ ಕೂಡಿ
ಹೊಸಬೆಳಕು ಮೂಡುತಿದೆ ನಿನ್ನನ್ನು ನೋಡಿ

ನಾನಿರುವೆ ನೆರಳಾಗಿ ಉರಿಬಿಸಿಲಿನಲ್ಲಿ
ನಾನಿರುವೆ ಆಸರೆಯಾಗಿ ಜಡಿಮಳೆಯಲ್ಲಿ
ಪೋಷಿಸುವೆ ನಿನ್ನನ್ನು ಪ್ರೇಮ ಶರದಿಯಲ್ಲಿ
ಸಾಗುವ ಜೊತೆಯಾಗಿ ಬಾಳರಥದಲ್ಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್