ನೀ ನಗಲು ಹೂನಗೆ

ನೀ ನಗಲು ಹೂನಗೆ ನನ್ನ ಮನವು ಕುಣಿದಿದೆ
ಕಣ್ಣಿನ ಸನ್ನೆಗೆ ಹೊಸ ಆಸೆ ಮೂಡಿದೆ
ಪ್ರೀತಿಯ ಮಾತಲಿ ನಾ ಮರೆತೆ ನನ್ನನು
ಏನೊಂದು ಮಾಯೆಯೊ ಕಂಡಾಗ ನಿನ್ನನು

ಕೈಬಳೆ ನಾದಕೆ ಸೋತೆನೇ ನಾನು
ಬಳುಕುವ ಬಳ್ಳಿಯ ಲತೆಯಂತೆ ನೀನು
ನಿನ್ನ ಸ್ಪರ್ಶಕೆ ಮೈಮರೆತೆ ನಾನು
ನೀಲವೇಣಿ ನಿನ್ನ ತುಟಿಯ ರಸದಲ್ಲಿ ಜೇನು

ನಡೆದಾಗ ಗೆಜ್ಜೆಯ ಸ್ವರವೇ ಸಂಗೀತವಾಯಿತೆ
ನುಡಿದಾಗ ನಿನ್ನ ವಾಣಿ ಲಹರಿಯಂತಾಯಿತೆ
ರಂಬೆಯೆ ನಾಚುವ ಮೈಮಾಟ ನಿನ್ನಲಿ
ಎಂದೆಂದೂ ನಾವು ಒಂದೇ ನೂರಾರು ಜನ್ಮ ಬರಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್