ಏನಾಗಿದಿಂದು ಎನಗೆ

ಏನಾಗಿದಿಂದು ಎನಗೆ ಈ ಕಂಪನ
ತವಕವು ಸೇರಲು ನನ್ನ ಮನಸಿನ
ಪ್ರೀತಿಯ ಭಾಷೆಯಲಿ ಏನೆನ್ನಲಿ
ಮೈಜುಮ್ಮೆನ್ನಲು ನಿನ್ನ ಮಾತಿನಲಿ

ನಿನ್ನ ಸ್ವರವ ಕೇಳುತಿರೆ ಚೈತನ್ಯ ಹುಟ್ಟಿದೆ
ಮನವೆಂಬ ಹಕ್ಕಿ ಆಕಾಶದಿ ಹಾರಿದೆ
ತುಂಬಿದೆ ಉಲ್ಲಾಸ ನನ್ನ ಬಾಳಿನಲ್ಲಿ
ಚಡಪಡಿಸಿದೆ ಈ ಒಡಲು ಸೇರಲು ನಿನ್ನಲ್ಲಿ

ಪ್ರೀತಿಯ ನಗುವನ್ನು ಕೇಳುತಿರೆ ಆನಂದ
ನಿನಗಾಗಿ ತೆರೆದಿಡುವೆ ಕದವನ್ನು ಹೃದಯದ
ನದಿಯೊಂದು ಹರಿಯುತ್ತಾ ಸೇರಿದಂತೆ ಸಾಗರವ
ಒಲವಿಂದ ಬಂದು ಸೇರು ನನ್ನ ಜೀವನವ

ರಚನೆ: ಶಶಿಕುಮಾರ್ ವಿ. ಕುಲಾಲ್