ಹೋಗಬೇಡವೆ ಒಂಟಿಯಾಗಿಸಿ

ಹೋಗಬೇಡವೆ ಗೆಳತಿ ಒಂಟಿಯಾಗಿಸಿ
ಬದುಕಲಾರೆ ನಿನ್ನ ಬಿಟ್ಟು ಓ ಪ್ರೇಯಸಿ
ನೋವಿನಲ್ಲೂ ನಗಿಸಿ ನನ್ನ ಪ್ರೀತಿಸಿದೆ
ನಾ ಬರೆದ ಕವಿತೆಯ ಲಹರಿ ನೀನಾದೆ

ಕತ್ತಲಲ್ಲಿ ಹುಡುಕುತಿರಲು ಸಂತೈಸುವ ಕೈಗಳನ್ನು
ಮಿಂಚಾಗಿ ನೀನು ಬಂದು ಆಲಂಗಿಸಿದೆ ನನ್ನನ್ನು
ನಿಂತು ಹೋದ ಈ ಹೃದಯಕೆ ಬಡಿತ ನೀನಾದೆ
ಕರಗಿ ಹೋದ ಭಾವಗಳಿಗೆ ಜೀವ ತುಂಬಿದೆ

ಯಾವ ಜನ್ಮದ ಬಂಧನವೊ ಅರಿಯದಾದೆನೆ
ನಿನ್ನ ಉಸಿರಲಿ ನಾ ಉಸಿರಾಗಿ ಬೆರೆತು ಹೋದೆನೆ
ನಿನ್ನ ಬಿಟ್ಟು ಒಂದು ಕ್ಷಣವೂ ಹೇಗೆ ಇರಲಿ
ಹರಿಯದಿರು ನೀರಾಗಿ ನನ್ನ ಕಣ್ಣಲ್ಲಿ

ರಚನೆ: ಶಶಿಕುಮಾರ್ ವಿ. ಕುಲಾಲ್