ನೆನಪು

ಸುರಿವ ಮಳೆಹನಿಯಲಿ ನಿನ್ನದೆ ನೆನಪು
ನಿನ್ನ ಪ್ರೀತಿಯಲಿ ಕಳೆದ ಆ ನೆನಪು

ನಿನ್ನ ನೋಟದಿ ಅದೇನೋ ಮಿಂಚು
ಸನಿಹ ಬಂದು
ತೋಳಲ್ಲಿ ಸೆಳೆದ ನೆನಪು

ಹರಿಯಲು ಉಕ್ಕಿ ಪ್ರೀತಿ ಮನದಲಿ
ಗುಲಾಬಿ ಕೆನ್ನೆಗೆ
ನೀಡಿದ ಚುಂಬನದ ನೆನಪು

ಜಗವ ಮರೆತು ನಾವು ಬೆರೆತಾಗ
ನೀನು ನುಡಿದ
ಮಮತೆಯ ಮಾತುಗಳ ನೆನಪು

ತುಂಬಿದೆ ಉಲ್ಲಾಸ ಹೊಸ ಬಯಕೆ
ನನ್ನ ಬದುಕಲಿ
ನೀ ತೋರಿದ ಹೊಸಲೋಕದಾ ನೆನಪು

ಕೈಯ ಹಿಡಿದು ಹೆಜ್ಜೆ ಜೊತೆಯಾಗಿ
ನಾವು ನಡೆದಾಗ
ಅನುರಾಗದ ಆನಂದದ ನೆನಪು

ಬೀಸಲು ತಂಗಾಳಿ ನನ್ನ ನೀನು
ತಬ್ಬಿ ಹಿಡಿದಾಗ
ಉಸಿರು ಬಿಸಿಯಾದ ನೆನಪು

ಕೆಂದುಟಿಯಲಿ ನಗೆಯೊಂದು ಚೆಲ್ಲಿ
ಕಿವಿಯಲಿ ಪಿಸುರಿದ
ಮುತ್ತಿನ ನುಡಿಗಳ ನೆನಪು

ರಚನೆ: ಶಶಿಕುಮಾರ್ ವಿ. ಕುಲಾಲ್