ಹೊಸ ಉಸಿರು

ಸುಮವೇನು ನೀನು ನನ್ನ ಬಯಕೆ ಬಳ್ಳಿಯ
ಚಿತ್ತಾರವೇನು ನೀನು ನನ್ನ ಕನಸ ನೆಲೆಯ
ಮೂಡಿದೆ ಬಿಂಬ ನನ್ನ ಹೃದಯ ಗೂಡಲ್ಲಿ
ಕೂಗಿದೆ ಉಸಿರು ನಿನ್ನ ಪ್ರೀತಿ ಹೆಸರಲಿ

ಒಲವೆ ನಿನ್ನ ಕಂಡಾಗ ಯಾಕಿಂತ ಹಂಬಲ
ನಿನ್ನ ಕಣ್ಣ ನೋಟದಿ ಮನಸಾಯಿತು ಮರುಳ
ನನ್ನ ಬಾಳ ಚುಕ್ಕಿಗೆ ರಂಗು ತುಂಬಿ
ಹಾಕು ನೀ ರಂಗೋಲಿ
ವರ್ಣವಿಲ್ಲದ ಈ ಬಾಳಿಗೆ ರಂಗು ಚೆಲ್ಲಿ
ಆಡು ನೀ ಬಣ್ಣದ ಹೋಳಿ

ಬದುಕುವ ಆಸೆ ಹುಟ್ಟಿಸಿದೆ ಮನದಲಿ
ಶೃಂಗಾರ ಕಾವ್ಯ ನನ್ನ ಬಾಳ ಕವಿತೆಯಲಿ
ಬತ್ತಿ ಹೋದ ನಯನಗಳಿಗೆ
ನೀ ತುಂಬು ಪ್ರೀತಿಯ ಪನ್ನೀರು
ಬಾಡಿ ಹೋದ ಬಳ್ಳಿಗೆ ನೀರೆರೆದು
ನೀ ಕೊಡು ಹೊಸ ಉಸಿರು

ರಚನೆ: ಶಶಿಕುಮಾರ್ ವಿ. ಕುಲಾಲ್