ಮಳೆ ಬಂದು ನಿಂತಾಗ

ಮಳೆ ಬಂದು ನಿಂತಾಗ
ಉರಿಬಿಸಿಲು ಮೂಡಿದಾಗ
ಅದ ಬೇಗೆ ಸಹಿಸಲು ಸಾದ್ಯವೇನು 
ನೀ ಪ್ರೀತಿಯ ಸಿಂಚನವಿತ್ತು
ನನ್ನ ಮನವ ಅರಿಯದೆ ಹೊರಟಾಗ
ಅದ ಬೇನೆ ಸಹಿಸಲು ಸಾದ್ಯವೇನು 

ಹುಟ್ಟಿದ ಪ್ರೀತಿಯ ನೀ ಅರಿಯದಾದೆ
ಮನಸಿನ ಭಾವನೆಗೆ ನೀ ಸ್ಪಂದಿಸದಾದೆ
ನಿನ್ನ ಮೋಹಿಸಿ ನಾನು ಮರುಳಾದೆ
ಪೋಣಿಸಿದ ಹೂ ಮಾಲೆ ತುಂಡರಿಸಿ ಹೋದೆ

ನಾ ಕಂಡ ಕನಸಿಗೆ ತಣ್ಣೀರೆರೆಚಿ ನೀ ಹೋದೆ
ಉಕ್ಕಿ ಬರುವ ಕಣ್ಣೀರ ನೀ ಕಾಣದಾದೆ
ನೆನಪಿನ ಮಳೆಯಲ್ಲಿ ನಾ ಬಾಳಲಾರೆನು
ನನ್ನುಸಿರು ನಿಂತಾಗ ನೀ ಬರುವೆಯೇನು

ರಚನೆ: ಶಶಿಕುಮಾರ್ ವಿ. ಕುಲಾಲ್