ಏಕಾಂಗಿ ನಾನಾದೆನೆ

ಹಚ್ಚನೆ ಹಸಿರಲಿ ಮೈದುಂಬಿ
ನಲಿಯುವ ಮರದ
ಒಣಗಿ ನಿಂತ ರೆಂಬೆ ನಾನಾದೆನೆ
ವಿಧಿಯೇ .... ಏಕಾಂಗಿ ನಾನಾದೆನೆ

ಮಾಡಿದ ಕಾರ್ಯದಿ ಜಯವೆ ಇಲ್ಲ
ನಡೆವ ಹಾದಿಲಿ ಮುಳ್ಳೇ ಎಲ್ಲ
ಯಾವ ಜನ್ಮದ ಕರ್ಮವೊ
ತಿಳಿಯದಾದೆನೆ ..... ಏಕಾಂಗಿ ನಾನಾದೆನೆ

ಬಣ್ಣವಿಲ್ಲದ ಈ ಬದುಕು
ಖಾಲಿ ಹಾಳೆಯ ಈ ತುಣುಕು
ಬರೆದ ಲೇಖನ ಮಾಸಿಹೋಯಿತೆ
ಯಾಕೆ ತಿಳಿಯದಾದೆನೆ ..... ಏಕಾಂಗಿ ನಾನಾದೆನೆ

ಬತ್ತಿ ಹೋದ ಕೆರೆಯಂತಾಯಿತೆ
ನಂದಿ ಹೋದ ದೀಪದಂತಾಯಿತೆ
ಪಟ್ಟ ಪ್ರಯತ್ನ ಫಲಿಸದೆ ಹೋಯಿತೆ
ಯಾಕೆ ತಿಳಿಯದಾದೆನೆ ..... ಏಕಾಂಗಿ ನಾನಾದೆನೆ

ರಚನೆ: ಶಶಿಕುಮಾರ್ ವಿ. ಕುಲಾಲ್