ಮದರಂಗಿ

ಅಂಗೈ ತುಂಬ ಕೆಂಪು ಕೆಂಪು ಚಿತ್ತಾರಗಳು
ಏನು ಚಂದವೆ ಗೆಳತಿ ನಿನ್ನ ಕರಗಳು
ಎಷ್ಟು ಅದೃಷ್ಟ ಮಾಡಿವೆಯೊ ಆ ಮದರಂಗಿ
ನಿನ್ನ ಕೋಮಲ ತ್ವಚೆಯಲಿ ಬೆರೆಯಲು

ಏನು ತುಡಿತವೆ ಎನಗೆ ನಿನ್ನ ಕೈಯ ಚುಂಬಿಸಲು
ಆಸೆಯಾಗಿದೆ ನಿನ್ನ ಕೈಯ ಎನ್ನ ಕೈಯಲಿ ಬೆಸೆಯಲು
ಬೆರಳ ತುಂಬಾ ಪಸರಿದೆ ರಂಗು ರಂಗು ಕವಲುಗಳು
ನೀ ಗೀಚಿದೆ ಎನ್ನ ಹೃದಯದಿ ಸುಂದರ ಚಿತ್ರಗಳು

ನಾನಾಗಬಾರದಿತ್ತೆ ನಿನ್ನ ಕೈಯ ಮದರಂಗಿ
ಮುತ್ತಿಡುತ್ತಿದ್ದೆ ಸದಾ ನನ್ನ ಮನವ ತುಂಬಿ
ಎಂದೆಂದು ಹೀಗೆ ಇರಲಿ ನಿನ್ನ ಬಾಳಲಿ ರಂಗಾಗಿ
ನನ್ನ ಉಸಿರಲಿ ನಿನ್ನ ಉಸಿರನ್ನು ತುಂಬಿ

ರಚನೆ: ಶಶಿಕುಮಾರ್ ವಿ. ಕುಲಾಲ್