ನೀ ಕವಿತೆಯಾದೆ

ಭಾವಗಳ ಲೋಕದಲಿ ನೀ ಭಾವನೆಯಾದೆ
ಬಾಳಿನ ಪುಟದಲ್ಲಿ ನೀ ಲೇಖನಿಯಾದೆ
ಕಲ್ಲಿನ ಮನಸನು ಕೆತ್ತಿ ನೀ ಶಿಲ್ಪಿಯಾದೆ
ಪ್ರೀತಿಸಲು ಕಲಿಸಿದ ನೀ ಪ್ರೇಯಸಿಯಾದೆ

               ಬತ್ತಿದ ನಯನಗಳಿಗೆ ನೀ ಕನಸಾದೆ
               ಪ್ರೀತಿಯ ತೇರಿಗೆ ನೀ ಗಾಲಿಯಾದೆ
               ಒಲವಿನಾ ಬೀಜವಾ ಬಿತ್ತಿ ನೀ ಸ್ನೇಹಿತೆಯಾದೆ
               ಬದುಕಿನ ಅರ್ಥವಾ ತಿಳಿಸಿ ನೀ ಸಂಗಾತಿಯಾದೆ

ಬಾಳೆಂಬ ಸಂಗೀತಕೆ ನೀ ಪಲ್ಲವಿಯಾದೆ
ಹೃದಯದಾ ದೇಗುಲಕೆ ನೀ ದೇವತೆಯಾದೆ
ಬದುಕೆಂಬ ನೌಕೆಗೆ ನೀ ಜೊತೆಯಾದೆ
ಪದಗಳೆಂಬ ಉಸಿರಿಗೆ ನೀ ಕವಿತೆಯಾದೆ

ರಚನೆ: ಶಶಿಕುಮಾರ್ ವಿ. ಕುಲಾಲ್