ತಿಳಿಯದಾದೆನು ನಾ

ತಿಳಿಯದಾದೆನು ನಾ
      ನಿನ್ನ ಹೃದಯವ

ಆಡೊ ಮಾತಿನಲ್ಲಿ ಪ್ರೀತಿಯಿದೆ
ಇರೊ ಸಲುಗೆಯಲ್ಲಿ ಮಮತೆಯಿದೆ
ಕಂಗಳೆರಡು ಬೆರೆಯಲು
ಯಾಕೆ ಹೋಗುವೆ ... ದೂರ
ತಿಳಿಯದಾದೆನಾ

ಮನವ ಬಿಚ್ಚಿ ನನ್ನಲಿ ನೀ ಬೆರೆತು ಹೋದೆ
ಯಾವ ಪರಿವೆಯಿಲ್ಲದೆ ನನ್ನ ಪ್ರೇಮಿಸಿದೆ
ಮನಸುಗಳೆರಡು ಬೆಸೆಯಲು
ಯಾಕೆ ಹೋಗುವೆ ... ದೂರ
ತಿಳಿಯದಾದೆನಾ

ತೇಲಿ ಬಂದೆ ಅಲೆ ಅಲೆಯಾಗಿ ನನ್ನ ಜೀವನದ ಸಾಗರದಿ
ಕೊಟ್ಟೆ ಹರುಷ ಪರಿ ಪರಿಯಾಗಿ ನನ್ನ ಬಾಳ ಪಯಣದಿ
ಒಂದೆ ನೌಕೆ ಸೇರಲು
ಯಾಕೆ ಹೋಗುವೆ ... ದೂರ
ತಿಳಿಯದಾದೆನಾ

ರಚನೆ: ಶಶಿಕುಮಾರ್ ವಿ. ಕುಲಾಲ್