ಏನು ಬರಹ ಬರೆದೆಯೊ

ಏನು ಬರಹ ಬರೆದೆಯೊ ನನ್ನ ಹಣೆಯಲಿ
ಯಾರ ದೂರಲಿ ಯಾರ ಸೇರಲಿ
ಜೊತೆಯಾಗಿ ಸಾಗುವ ಪಯಣಿಗ
ಯಾರೆಂದು ತಿಳಿಯಲಿ

ಸೂತ್ರದಾರ ನೀನು ಪಾತ್ರದಾರಿ ನಾನು
ಹಿಡಿವ ಕುಣಿಕೆ ಹಿಡಿದು ನನ್ನ
ಕುಣಿಸುತಿರುವೆ ಏನು

ಅರಳಿದ ಪ್ರೀತಿ ಕಥೆಗೆ
ಎದುರು ನಿಂತಿತೆ ಜಗವು
ಜೋಡಿ ಹಕ್ಕಿಯಂತೆ
ಹಾರಲು ಬಿಡುವರೇನು

ಅಂತರಾಳದ ಭಾವನೆ
ಯಾರು ಬಲ್ಲರು
ಒಂದಾಗೊ ಜೀವಗಳನ್ನು
ದೂರ ಮಾಡುವರೇನು

ನೋವು ನಲಿವು ಎಲ್ಲಾ ದಿಟವೆ
ಬಾಳ ಪಯಣದಿ
ನೋವಲ್ಲೂ ನಲಿವು ಇದೆ
ತಿಳಿಯದಾದರೇನು

ಕಾಸು ಗೀಸು ಎಂದು ಜನರು
ಬಾಯಿ ಬಿಡುವರೇನು
ಮೂರು ದಿನದ ಈ ಬಾಳಲಿ
ಯಾರು ಅಚಲವೇನು

ಹುಟ್ಟು ಆಕಸ್ಮಿಕ ಸಾವು ನಿಶ್ಚಿತ
ಎಂಬ ಮಾತ ತಿಳಿಯದಾದರೇನು
ಬಂದು ಹೋಗೊ ನಡುವೆ ಬೆರೆತು
ಬಾಳು ನಡೆಸಲೇನು

ರಚನೆ: ಶಶಿಕುಮಾರ್ ವಿ. ಕುಲಾಲ್