ನನ್ನವಳ ಚಿತ್ತಾರ

ನೀಲಿ ಗಗನದಿ ಬೆಳ್ಳಿ ಮೋಡಗಳ ಚಿತ್ತಾರ
ಚಿತ್ತಾರದ ನಡುವಿಂದ ನನ್ನವಳ ಸಾಕ್ಷಾತ್ಕಾರ
ಪುಟಿಯುತಿದೆ ಮನಸಲಿ ಹಾಹಾಕಾರ
ನಿನ್ನ ಸೇರಲು ತವಕ ನಿರಂತರ

       ಮಳೆ ಹನಿಯ ಮುತ್ತಿನಲಿ ನಿನ್ನದೇ ಬಿಂಬ
       ಉರಿಬಿಸಿಲ ನೆರಳಲ್ಲಿ ನಿನ್ನದೇ ಪ್ರತಿಬಿಂಬ
       ಪಚ್ಚನೆ ಹಸಿರಿನಲಿ ನೀ ಸೀರೆ ಉಟ್ಟಂತೆ
       ಉದಯಿಸಿದ ಉಷೆಯು ನಿನ್ಹಣೆಯ ಬೊಟ್ಟಂತೆ

ಹುಣ್ಣಿಮೆ ಶಶಿಯಲ್ಲಿ ಕಂಡೆ ನಿನ್ನ ಮೊಗವಾ
ಬೀಸುತಿಹ ತಂಗಾಳಿಯಲಿ ಕಂಡೆ ನಿನ್ನ ಸ್ಪರ್ಶವಾ
ಮೂಡುತಿಹೆ ಮನದಲ್ಲಿ ಆಸೆಗಳ ಗೋಪುರ
ಹೃದಯದಾ ಗೂಡಲ್ಲಿ ಎಂದೆಂದೂ ನೀ ಸ್ಥಿರ

ರಚನೆ: ಶಶಿಕುಮಾರ್ ವಿ. ಕುಲಾಲ್