ಪ್ರಶ್ನೆಯಾದೆ ನೀನು

ಬೀಸುತಿದೆ ಬಿರುಗಾಳಿ
ಮನಸ್ಸಲ್ಲೇನೋ ತಳಮಳ
ಹರಿಯುತಿದೆ ಕಂಬನಿ ಕಂಗಳಲಿ
ನಿನ್ನ ನೆನಪಿನಲಿ
ಪ್ರಶ್ನೆಯಾದೆ ನೀನು
ನನ್ನ ಬಾಳಲಿ
ಯಾಕೆ ಯಾಕೆ ಯಾಕೆ
ಎಂದರಿಯದಾದೆ ನಾನು

ಉರಿಬಿಸಿಲ ಬೇಗೆಯಲಿ
ಸುಟ್ಟುಹೋದ ಪುಷ್ಪವಾದೆ
ಮರುಭೂಮಿಯ ನೆಲದಲಿ
ಬತ್ತಿಹೋದ ಕೆರೆಯಾದೆ
ನನ್ನಷ್ಟಕ್ಕೆ ನಾನಿದ್ದೆ
ಯಾಕೆ ನೀ ಬಂದೆ
ನನ್ನ ಬಾಳಲಿ
ಯಾಕೆ ಯಾಕೆ ಯಾಕೆ
ಎಂದರಿಯದಾದೆ ನಾನು

ನೀನಾದೆ ಮಿಡಿತ ನೀನಾದೆ ತುಡಿತ
ನನ್ನನ್ನು ಸೆಳೆದು ನೀನಾದೆ ಹೃದಯದಾ ಬಡಿತ
ನೀ ಹೋದೆಯೆಂದರೆ ಬಡಿತವೆ ನಿಂತಂತೆ
ಏನಿದೆ ಹೇಳೇ ಆ ನಂತರ
ಬರೇ ಶೂನ್ಯ ಶೂನ್ಯ ಶೂನ್ಯ
ನಿನಗರಿವಾದಾಗ ನಿಂತಿತಲ್ಲೇ
ಪ್ರಾಣದ ಪಕ್ಷಿ ಹಾರಿತಲ್ಲೆ
ಪ್ರಾಣದ ಪಕ್ಷಿ ಹಾರಿತಲ್ಲೆ

ರಚನೆ: ಶಶಿಕುಮಾರ್ ವಿ. ಕುಲಾಲ್