ಸವಿ ಸವಿ ನೆನಪಿನ ಈ ಓಲೆ

ಸವಿ ಸವಿ ನೆನಪಿನ ಈ ಓಲೆ
ಪ್ರೀತಿಯ ಗೆಳತಿಯ ಹೆಸರಿನಲೆ
ಹಾಡಾಗಿ ಹರಿದಿದೆ ಹೃದಯದಿಂದ
ಭಾವಗಳು ಬೆರೆತಂತ ದಿನದಿಂದ

ತೋರಣವ ಕಟ್ಟಿರುವೆ ಕನಸುಗಳ
ಜ್ಯೋತಿಯ ಬೆಳಗಿರುವೆ ಆಸೆಗಳ
ಸುಮಗಳ ಹಾಸಿರುವೆ ಹಾದಿಯಲಿ
ಸಾಗೋಣ ಜೊತೆಯಾಗಿ ಜೀವನದಲಿ

ನಿನ್ನ ನೆನಪಲೆ ಕವಿಯಾದೆ
ಕವನಗಳ ಧಾರೆ ಹರಿಯಿಸಿದೆ
ಹೃದಯವ ತೆರೆದು ಕಾದಿರುವೆ
ಓಡೋಡಿ ಬಂದು ಸೇರು ನನ್ನೊಲವೆ

ಕೊರಳಲ್ಲಿ ನಿನ್ನ ಮಾಲೆಯಾಗಿರುವೆ
ಕೈಗಳ ಬಳೆಗಳ ನಾದವಾಗಿರುವೆ
ಉಸಿರಲ್ಲಿ ನಿನ್ನ ನಾ ಬೆರೆಯುವೆ
ಹೃದಯದಾ ಬಡಿತ ನಾನಾಗುವೆ

ರಚನೆ: ಶಶಿಕುಮಾರ್ ವಿ. ಕುಲಾಲ್