ಕಡಲ ತೀರದಿ ಜೊತೆ ಕುಳಿತು

ಕಡಲ ತೀರದಿ ಜೊತೆ ಕುಳಿತು
       ಮುಳುಗುತಿರುವ ರವಿತೇಜ ನೋಡುವಾಸೆ
ತಬ್ಬಿ ಹಿಡಿದು ನನ್ನ ತೋಳಲಿ
       ಪ್ರಣಯ ಸುಖವ ನೀಡುವಾಸೆ
ಹಾಲುಗೆನ್ನೆಯ ಮುದ್ದುಮಾಡಿ
       ಕೆಂದುಟಿಯ ಚುಂಬಿಸುವಾಸೆ
ಪ್ರೀತಿ ಸಾಗರದಿ ತೇಲಿ ತೇಲಿ
       ಜೋಡಿ ಹಕ್ಕಿಗಳಂತೆ ಹಾರುವಾಸೆ

ಜೇನಿನ ಅಭಿಷೇಕ ಮಾಡಿ
      ಸಿಹಿಮುತ್ತ ನೀಡುವಾಸೆ
ಹಾಲಿನ ಸುಧೆಯಲ್ಲಿ
     ನಿನ್ನ ಸೇರಿ ಈಜುವಾಸೆ
ಗುಲಾಬಿಯ ಎಸಳಿಂದ
     ನಿನ್ನ ಶೃಂಗಾರ ಮಾಡುವಾಸೆ
ಮುಂಜಾನೆಯ ಮಂಜಲ್ಲಿ
     ನಿನ್ನ ಕೂಡಿ ನಲಿವ ಆಸೆ

ಬಳಸಿ ನಿನ್ನ ನಡುವ
     ಮಗುವಂತೆ ಎತ್ತಿ ಆಡಿಸುವಾಸೆ
ನಿನ್ನ ಗೆಜ್ಜೆ ನಾದದಲಿ
     ಮನಬಿಚ್ಚಿ ನರ್ತಿಸುವಾಸೆ
ತೊಡೆಯ ಮೇಲೆ ತಲೆಯಿಟ್ಟು
     ಒಂದು ಸಾರಿ ಮಲಗುವಾಸೆ
ನಾನು ನೀನು ಒಟ್ಟು ಸೇರಿ
    ಈ ಜಗವ ಗೆಲ್ಲುವಾಸೆ

ರಚನೆ: ಶಶಿಕುಮಾರ್ ವಿ. ಕುಲಾಲ್